Father's Positive Thinking

Father's Positive Thinking Modern life style has many changes of the domestic life and now that Europe has had or developed countries. Men and women both have responsibilities of family. They are equally fulfilling less system that is able to practice in the East. In the old days was the father earns. But fathers are more sensitive than my father's old age. In all cases, the today’s father is taking interested their children. Listens to their problems and provides solutions. It is estimate to see a beautiful picture of life that healthy change in the house of a man depends largely on a positive meaning.

Walid ki Musbat Soch

Modern zindagi ne khowanngi tarze-zindagi ki qadron mein bhi kafi tabdilyan ronuma ki hain aur ab dekha gia hai keh Europe ya taraqqi yafta mamalik mein jis tarah mard-o-aurat sath sath bahir aur ghar ki zummah daryan musawi tor par nibha rahe hain kam-o-besh aisa system mashriq mein bhi rawaj pa raha hai. Jis kuch masbat asrat bhi numayan ho rahe hain. Maslan mard ka rawayyah qadre behtar ho raha hai. Is ki ghar mein dilchaspi barh rahi hai. Aur ghar mein dilchaspi barhne ka so fisadi yahi matlab hai keh who apne biwi bachon ke liye ziadah hassas ho gia hai. Is ahsas ne is andar ke but ko bhi pash pash kar dia hai jis ki mojudgi mein who ab tak khud ko aik aala tareen makhlooq samajhta raha hai. Agarche mard Ghar mein sehat mand tabdili ka inhesar mard ki masbat sonch par hai. ka yeh rawayyah abhi utna aam nahi aur sirf bare bare shahron mein hi khal khal nazar aaraha hai. Behar haal ibteda to ho chuki hai aur mera zati kheyal hai keh barhti huyi zaruryat dabao bais bhi aur kuch taaleem se milne wale shaur ne bhi mard ki sonch mein masbat tabdilyan paida ki hain. Maslan who samjhta hai keh ab aik fard ki kami se gharilu zaruryaat se uhdah bara’n hona na mumkin hai. Isi liye who parhi likhi biwi ka intekhab karne laga hai jo is shanah bashanah muashi zummah daryan bhi bante. Kuwah who teaching kare ya koi aur mulazmat. Magar yeh zaruri hai keh donon mian biwi mil kar kamayain takeh bachon ko aik acha haal aur behtar mustaqbil muhaiya kar sakain. Mard ki yeh soch dur ras bhi hai aur khasi masbat bhi. Is ka bara khushgawar asar khangi mahol par parta hai. Jab mard aurat ke sath gharilu zummah daryan bhi uthane ke liye taiyar hota hai yun aurat par ziyad az zarurat bojh bhi nahi parta. Gharilu tarz-e-zindagi mein yeh tabdili deikh kar andaza hota hai keh aaj ka baap purane zamane ke walid se ziada hassas aur caring hai. Purane zamane mein walid ka kirdar bara mahdud tha. Woh kamata tha aur ghar mein is ka kirdar aik aisi ba rob shakhsiyat ka tha jis se bache darte the. Isi wajah se walid aur bachon ke darmian kabhi bhi who talluq nahi ban pata tha jo keh buhat zaruri hota hai. Aaj ka walid bachon tamam tar muamlaat mein puri dilchaspi leta hai. Nehlata dulata hai, khana khelata hai. School chorne aur lene jata hai in ke sath khelta hai. In ki har aik khuwahish puri karna apna farz samajhta hai. In ke sath sota bhi hai kahanyan bhi sunata hai in ke masail bhi sunta hai aur inhain hal bhi karta hai. Yun aaj ka walid aik ideal walid hai. Who walid kam dost ziadah hai. Aur walid mein isi tabdili ki hi wajah se ghar jannat ban gia hai. Jahan muhabbat hai piyar hai jazbe hain ahsas hai aur who sab kuch hai jo haqiqi mainon mein ghar lafz ki tashrih kare. Aaj walid office mein mojood hote huye bhi ghar mein hote hain in ka dimagh ghar ke muamlat mein mazeed behtarei lane bare mein soch raha ho ta hai. Who sochte hain keh aaj ghar puhanch kar kia kia kam karne hain aur agar koi bacha bimaar ho to duty karna mushkil ho jata hai. purane waqton mein auraton par bare bojh the is par sawaye mulazmat har tarah ki zummah dari thi aur yeh bojh ise raat tak thaka dete the. Is par bhi ise har waqt shohar ki dant dapat ka khof magar ab aisa nahi hai. Agar cheh thaka dene wali routine ab bhi hai magar ab yeh thakan bhi donon bant rahe hain. Chunancha thakan ka ahsas kam ho jata hai. Ab har maslah har uljhan aur har tension donon ne barabar barabar taqseem kar li hai aur yun who sabit kar rahe hain keh hum haqiqi mainon mein life partners hain. Zindagi ki yeh khubsurat tasweer deikh kar andaza hota hai keh ghar mein kisi sehat man tabdeeli ka buhat had tak inhesar mard ki masbat tabdili par hai aur khas tor par is baat par keh who biwi ko kia moqaam de raha hai aya is ka haquq tasleem karta hai aur yeh keh apne faraiz se agah hai aur agar who biwi ki mulazmat ke haq mein hai to kia is ki zummah daryan batne ke liye taiyar hai. Yun mard ka sehat mandanah rowaiyah ghar ko jannat bana sakta hai. Kiun keh fitri tor par koi bhi aurat ghar ko tutta dekhna nahi chahti is liye who jabar karti jati hai aur har bojh bardasht kar leti hai. Magar is tor ki zindagi behar haal pur lutf-o-pur sakun nahi ho sakti. Yeh tabhi mumkin hai jab mard ise sahi moqaam de aur yeh bari hi khush aaind baat hai keh kuch mardon ne zehni tor par aurat ki haisyat ko tasleem karna shoro kar dia hai. Jis ke baad hum mazeed behtari ki towaqqa kar sakte hain.

Father's Positive Thinking Modern life style has many changes of the domestic life and now that Europe has had or developed countries. Men and women both have responsibilities of family. They are equally fulfilling less system that is able to practice in the East. In the old days was the father earns. But fathers are more sensitive than my father's old age. In all cases, the today’s father is taking interested their children. Listens to their problems and provides solutions. It is estimate to see a beautiful picture of life that healthy change in the house of a man depends largely on a positive meaning.

Walid ki Musbat Soch

Modern zindagi ne khowanngi tarze-zindagi ki qadron mein bhi kafi tabdilyan ronuma ki hain aur ab dekha gia hai keh Europe ya taraqqi yafta mamalik mein jis tarah mard-o-aurat sath sath bahir aur ghar ki zummah daryan musawi tor par nibha rahe hain kam-o-besh aisa system mashriq mein bhi rawaj pa raha hai. Jis kuch masbat asrat bhi numayan ho rahe hain. Maslan mard ka rawayyah qadre behtar ho raha hai. Is ki ghar mein dilchaspi barh rahi hai. Aur ghar mein dilchaspi barhne ka so fisadi yahi matlab hai keh who apne biwi bachon ke liye ziadah hassas ho gia hai. Is ahsas ne is andar ke but ko bhi pash pash kar dia hai jis ki mojudgi mein who ab tak khud ko aik aala tareen makhlooq samajhta raha hai. Agarche mard Ghar mein sehat mand tabdili ka inhesar mard ki masbat sonch par hai. ka yeh rawayyah abhi utna aam nahi aur sirf bare bare shahron mein hi khal khal nazar aaraha hai. Behar haal ibteda to ho chuki hai aur mera zati kheyal hai keh barhti huyi zaruryat dabao bais bhi aur kuch taaleem se milne wale shaur ne bhi mard ki sonch mein masbat tabdilyan paida ki hain. Maslan who samjhta hai keh ab aik fard ki kami se gharilu zaruryaat se uhdah bara’n hona na mumkin hai. Isi liye who parhi likhi biwi ka intekhab karne laga hai jo is shanah bashanah muashi zummah daryan bhi bante. Kuwah who teaching kare ya koi aur mulazmat. Magar yeh zaruri hai keh donon mian biwi mil kar kamayain takeh bachon ko aik acha haal aur behtar mustaqbil muhaiya kar sakain. Mard ki yeh soch dur ras bhi hai aur khasi masbat bhi. Is ka bara khushgawar asar khangi mahol par parta hai. Jab mard aurat ke sath gharilu zummah daryan bhi uthane ke liye taiyar hota hai yun aurat par ziyad az zarurat bojh bhi nahi parta. Gharilu tarz-e-zindagi mein yeh tabdili deikh kar andaza hota hai keh aaj ka baap purane zamane ke walid se ziada hassas aur caring hai. Purane zamane mein walid ka kirdar bara mahdud tha. Woh kamata tha aur ghar mein is ka kirdar aik aisi ba rob shakhsiyat ka tha jis se bache darte the. Isi wajah se walid aur bachon ke darmian kabhi bhi who talluq nahi ban pata tha jo keh buhat zaruri hota hai. Aaj ka walid bachon tamam tar muamlaat mein puri dilchaspi leta hai. Nehlata dulata hai, khana khelata hai. School chorne aur lene jata hai in ke sath khelta hai. In ki har aik khuwahish puri karna apna farz samajhta hai. In ke sath sota bhi hai kahanyan bhi sunata hai in ke masail bhi sunta hai aur inhain hal bhi karta hai. Yun aaj ka walid aik ideal walid hai. Who walid kam dost ziadah hai. Aur walid mein isi tabdili ki hi wajah se ghar jannat ban gia hai. Jahan muhabbat hai piyar hai jazbe hain ahsas hai aur who sab kuch hai jo haqiqi mainon mein ghar lafz ki tashrih kare. Aaj walid office mein mojood hote huye bhi ghar mein hote hain in ka dimagh ghar ke muamlat mein mazeed behtarei lane bare mein soch raha ho ta hai. Who sochte hain keh aaj ghar puhanch kar kia kia kam karne hain aur agar koi bacha bimaar ho to duty karna mushkil ho jata hai. purane waqton mein auraton par bare bojh the is par sawaye mulazmat har tarah ki zummah dari thi aur yeh bojh ise raat tak thaka dete the. Is par bhi ise har waqt shohar ki dant dapat ka khof magar ab aisa nahi hai. Agar cheh thaka dene wali routine ab bhi hai magar ab yeh thakan bhi donon bant rahe hain. Chunancha thakan ka ahsas kam ho jata hai. Ab har maslah har uljhan aur har tension donon ne barabar barabar taqseem kar li hai aur yun who sabit kar rahe hain keh hum haqiqi mainon mein life partners hain. Zindagi ki yeh khubsurat tasweer deikh kar andaza hota hai keh ghar mein kisi sehat man tabdeeli ka buhat had tak inhesar mard ki masbat tabdili par hai aur khas tor par is baat par keh who biwi ko kia moqaam de raha hai aya is ka haquq tasleem karta hai aur yeh keh apne faraiz se agah hai aur agar who biwi ki mulazmat ke haq mein hai to kia is ki zummah daryan batne ke liye taiyar hai. Yun mard ka sehat mandanah rowaiyah ghar ko jannat bana sakta hai. Kiun keh fitri tor par koi bhi aurat ghar ko tutta dekhna nahi chahti is liye who jabar karti jati hai aur har bojh bardasht kar leti hai. Magar is tor ki zindagi behar haal pur lutf-o-pur sakun nahi ho sakti. Yeh tabhi mumkin hai jab mard ise sahi moqaam de aur yeh bari hi khush aaind baat hai keh kuch mardon ne zehni tor par aurat ki haisyat ko tasleem karna shoro kar dia hai. Jis ke baad hum mazeed behtari ki towaqqa kar sakte hain.