Paani Pilane Ka Sawab

Paani Pilane Ka Sawab

∗ Paani Pilane Ka Sawab *

Hazrat Abu Huraira(Razi Allaho Anho)

Kehte Hain Ke, Hazrat Mohammed

Mustafa (Sallallahu Alaih Wasallam) Ne

Irshad Farmaya,

“Ek Kutta(Dog) Kuve(well) Ke Aas-Paas

Ghum Raha Tha Aur Piyas Ki Vajah Se

Marne Ke Kareeb Tha Ke, Bani-Israiel Ki

Ek Zaniya Aurat(Zinakar) Ne Iss Ko Dekh

Kar Apna Juta(shoe) Utaar Kar Kuve Se

Paani Khich Kar Uss Ko Pila Diya,

Allah Ta’ala Ne Isi Vajah Se Iss Aurat Ki

Magfirat Kardi.

-: (Sahih Muslim Book 026, Hadith-557)

Read More

SAWARI KI DUA

SAWARI KI DUA ka Bayaan

Sawari ki dua :

(Surah Az-Zukhruf Aayat 13-14)

Subhanallazee sakhkhar-lana haaza wa ma kunna lahoo muqrineen.

Wa inna ilaa rabbina la-munqaliboon.

Tarjuma :

Paak hai wo zaat jisne is ko hamare taabe kar diya halanke ham ise qaboo me nahi la sakte the.

Aur beshak hame apne rab ki tarafzaroor laut kar jana hai.

Maujooda daur me jab ham kisi bhi suwari par safar karte hain to har waqt hadse (accident) ka khatra rehta hai.

Is liye Sawari (Safar) ki dua yaad kar le aur jab bhi kisi bhi sawari par (Cycle, Scooter, Bike, Car, Bus, Train, Aeroplane ya phir Ghoda, Oont ya aur koi jaanwar par) kahi bhi safar karna ho (aap khud driving kar rahe ho ya sawari par bethe ho) to ye dua zaroor padh le.

Sawari me bethte waqt pehle ‘Bismillah’ aur bethne ke baad ‘Alhamdulillah’ padhe aur phir jab safar shuru ho tab ye Dua padhe.

Agar shuru me dua padhna bhool jaae to jab yaad aae tab ye dua zaroor padh le.

Is dua ko padhne se insha allah pure safar ke dauran ALLAH ta’ala ki hifazat me rahenge.

Agar koi ek shakhs bhi yakeen ke saath safar me ye dua padh le to Allah ta’ala us sawari me safar karne wale sab ki hifazat karega.

Agar dua yaad na ho to apne mobile me ye Photo rakhe ya ye Dua likhkar apne paas rake aur safar shuru hote hi padh le.

Aap jab sawari (vehicle) chala rahe ho tab mobile par baat na kare.

Agar baat karni ho to sawari ko rok de.

Aapki zindagi aur sehat aapke gharwale, rishtedaro aur dosto ke liye zaroori hai.

Apni la-parwahi ki wajah se doosro ko taklif me na dale.

Aap sab khud bhi ye sab yaad rakhe aur apne dosto aur rishtedaro ko bhi ye sab baate batakar is par amal karne ke liye kahe.

Neki ki baat sikhane wala bhi nekikarne wale jaisa hai.

Neki karne wale ko bhi utna hi sawab milta hai aur sikhane wale ko bhi iska sawab milta hai.

Allah ta’ala uske Habeeb sallallahu alaihi wasallam ke sadqe me sab ko in baato ko yaad karke us par amal karne ki taufiq ata farmae aur Sab ki hifazat farmae.

Aameen.

Read More

GEEBAT (Chugali) ZINA SE BHI BADTAR HAI

GEEBAT (Chugali) ZINA SE BHI BADTAR HAI

.
Rasool-e-Maqbool (SALLALLAHU TA’AALA ALAIHI WA SALLAM) Irshad Farmate Hain

Ki

“Apne Aapko Geebat Se Bachao, Yeh Zina Se Bhi Zyada Buri Hai”

Puchha Gaya, Yeh Zina Se Kaise Badtar Hai?

To Aapne Farmaya, “Aadmi Zina Kar Ke Tauba Kar Leta Hai 

To ALLAH TA’ALA Qabul Farmata Hai.

Magar Geebat Karne Wale Ko Jab Tak Wo Shakhs Jiski

 Geebat Ki Gayi Ho, Muaaf Na Kare, Uski Tauba Qabul Nahi

 Hoti!

Lihaza Har Geebat Karne Wale Ke Liye Zaruri Hai Ki Wo

 ALLAH TA’ALA Ke Huzoor Sharminda Hokar Tauba Kare 

Taaki ALLAH Ke Karam Se Kaamyaab Hokar Fir Us Shakhs

 Se Muafi Maange Jiski Usne Geebat Ki Thi, Taaki Geebat Ke

 Andhiyaron Se Rihayi Haasil Ho!

-:[Mukashfatul Qulub: Page-143]:-

.
YA ALLAH,, Ham Sabko SHIRK, ZINA, GEEBAT,

 SHARAB’NOSHI, Jaise Badtareen Gunaho Se Mehfooz

 Farma

(AAMEEN Summa AAMEEN)

@@@@@@@@@@@@@@

Read More

important Islamic Questions And There Answers in Roman Urdu

• SAWAL : Imaan Kise Kahte HaiN?

>>JAWAB :- Allah Ta’ala ki Wahdaniyat Aur Huzoor Akram (Sallallahu Alaihi wasallam) Ki Risalat Ka Zaban Se Iqrar,Aur Dil Se Tasdeeq Karna Iman Kaihlata Hai.Neez Ye Bhi Zaruri Hai Ke Nabi-e Kareem (Sallallahu alaihi wasallam) Ki Batayi Tamam Bato’n Ki Tasdeeq Ki Jaay.
.

• SAWAL:-Kufr Kise Kahte HaiN?

>>JAWAB:- Islami Aqaid Ke Khilaf Koi Aqeedah Rakhna,Ya Islam Ki Kisi Mash’Hoor-o Maloom Baat Ka Inkar Karna,Ya Us Me Shak Karna,Jaise Namaz,Roza,Zakat,Ya Hajj Ko Farz Naa Jaanna,Ya Kisi Sharae’e Hukm Ka Mazaq Udhana,Ya Mazaq Me Koi Kufriya Jumla Bolna,Ye Sab Baten Kufr HaiN.
.
• SAWAL:- Aqeedah Tauheed Se Kya Murad Hai?

>>JAWAB:- Allah Ta’ala Ek Hai,BeNiyaz Hai,Waajibul Maujood Hai,Yani Allah Ta’al Hamesha Se Hai,Aur Hamesha Rahega,Wo Sabka Khaliq-o Malik Aur Raziq Hai,Uska Koi Shareek Nahi,Zindagi,Maut,Iz-zat,Zillat,Sab Uske Ikhtiyar Me Hai,Wo Chahe Aur Jaisa Chahe Kare Use Koi Rok Nahi Sakta,Wo Na Kisi Ka Baap Hai Na Kisi ka Beta,Sab Uske Muhtaj HaiN,Wo Kisi Ka Muhtaj Nahi,Wo Aalimul Gaib Hai,Aur Har Aib Se Pak Hai.
.
• SAWAL:- Shirk Kise Kahte HaiN?

>>JAWAB:- Allah Ke Siwa Kisi Aur Ko Khuda Janna,Ya Ibadat Ke Laiq Samajhna Shirk Hai,Neez Allah Ta’ala Ki Sifaat Ko Bae’ena Kisi Gair Ke Liye Manna,Yani Kisi Makhlooq Ki Sifat Ko Qadeem Aur Mutaqal BilZat Manna Shirk Hai.
.
• SAWAL:- Quran Kareem Me Rab Ta’ala Ki Ba’az Sifaat Bando Ke Liye Bayan Huyin,Aisi Chand Sifaat Ka Hawaala Dijiye?

>>JAWAB:- Sureh (Al dahar Ayat-No-02) Me Insan Ko “Same’e-o Baseer” Kaha Gaya.Sureh (AL Baqarah Ayat-No-143) Me Huzoor Akram (Sallallahu alaihi wasallam) Ko “Shaheed” Aur Sureh (Al Tauba Ayat No-128) Me “Rauf-o Raheem” Farmaya Gaya.Sureh (Al Tahreem Ayat No-04) Me Farishto’N Aur Saleh Momino Ka MadadGaar Hona Bayan Farmaya.
Isi Tarah Hayaat,Ilm,Kalaam,Ma-dad,Iradah Wagairah MutaAddad Sifaat Bando Ke Liye Bayan Huyin.
.
• SAWAL:- Allah Ta’ala Ki In Sifaat Ka Bando Ke Liye Manna Shirk Kyun Nahi?

•>>JAWAB:- Kyun Ki Allah Ta’ala Ki Ye Sifaat Kisi Ki Di Hui Nahi,Balke Khud Se Hai,Yani Zaati HaiN,Neez Azli,Abdi,Laa Mahdood Aur Shan-e Khaliqiyat Ke Laiq HaiN,Jabke Makhlooq Ko Ye Sifaat,Allah Ta’ala Ne Ata Farmayi HaiN,Neez Ye Sifaat Hadis,Aarzi,Mahdood Aur Shan-e Makhluqiyat Ke Laiq HaiN.
.
• SAWAL:- Achchhayi Aur Burayi Ki Nisbat Kis Taraf Karni Chahiye?

»JAWAB:- Bure Kaam Ki Nisbat Allah Ta’ala Ki Taraf Karna BeAdbi Hai,Isliye Hukm Huwa,Tujhe Jo Bhalayi Pahunche Allah ki Taraf Se Hai,Aur Jo Burayi Pahunche Wo Teri Apni Taraf Se Hai.(An Nisa Ayat No-79) Pas Bure Kaam Karke Tqdeer”Ya Allah ki Taraf Mansoob Karna Bahut Buri Baat Hai,Isliye achchhe Kaam Ko Allah Ta’ala Ke Fazlo Karam Ki Taraf Mansoob Karna Karna Chahiye,Aur Bure Kaam Ko Shamt-e Nafs Samajhna Chahiye.
.
• SAWAL:- Aqeedah” Tqdeer Kya Hai?

»JWAB:- Allah Ta’ala Ne Apne Azli Ilm Gaib Ke Mutabiq,Jaisa Hone Wala Tha Aur Jaisa Karne Wala Tha Usne Likh Liya… Yun Samajh Lijiye Ke Jaisa Ham Apne Irade Aur Ikhtiyar Se Karne Wale The Waisa Usne LikhDiya.Yani Uske Likh Dene Ne Kisi Ne Majbur Nahi Kardiya,Warna Jaza Wa Saza Ka Falsafa BeMa’ane Hokar Rahjata.Yahi Aqeedah Taqdeer Hai.
.
• SAWAL:- Hazrat Eisa (Alaihissalam) Ne Farmaya Mai Murde Zindah Karta Hu,)Bi Iznillah(
Is Ayat Se Kya Nateeja Ukhz Hota hai?

»JAWAB:- Is Irshad Se Maloom Huwa ke Allah Ta’ala Ke Diye Huwe Ikhtiyar Se Uske Mahbub Bande Murde Zindah Kar Sakte HainN,Isliye Mahbubaane Khuda Ki Taqat-o Qudrat Maanna Shirk Nahi,Balke Ain-E Taudeed Hai.
.
• SAWAL:- Mahboobabn-e Khudha” Se Madad Mangna Jaiz Hai,Quran Se Dalail Dijiye?

»JAWAB:- Hazrat Moosa (Alaihissalam) Ne Apne Bhai Ko MadadGaar Banane Ki Duwa Ki Jo Qubool Hui,Sureh (Taaha Ayat No-36) Hazrat Eisa (Alaihissalam) Ne Hawariyon Se Madad Mangi (Aal-E Imran:Ayat No-52) Nek Kamo Me Musalmano Ko Madadgaar Banne Ka Hukm Diya Gaya Hai,(Al Maida:Ayat No-02) Imaan Walo Ko Sabr Aur Namaz Se Madad Mangne Ka Hukm Diya Gaya (Al Baqarah:Ayat No-153)
………………..-………………..-………………..-………………..-………………..-………………..-………………..-……
• SAWAL:- Saleheen Aur FarishtoN Ke Madad MadadGaar Hone Par Ayat Batayen?

»JAWAB:- Beshak Allah Ta’ala Unka MadadGaar Hai,Aur Jibreel Aur Nek Imaan Wale,Aur Uske Ba’ad Farishte,Madadgaar HaiN.(AL Tahreem:Ayat No-04)
.
• SAWAL:- Allah Ta’ala Aur Rasool (Sallallahu Alaihi wasallam) Ke MadadGaar Hone Par Ayat Batyen?

»JAWAB:- Beshak Tumhare MadadGaar To Sirf Allah Ta’ala Aur Uska Rasool Aur Iman Waale HaiN,Jo Namaz Qaim Karte HaiN Aur Zakat Dete HaiN,Aur Allah Ta’ala Ke Huzoor Jhuke Huwe HaiN,(Al Maida:Ayat No-55)
.
• SAWAL:- Kya Eid MiladunNabi (Sallallahu Alaihi Wasallam) Aur Aulaiy” Ka Urs Manana Shirk Hai?

»JAWAB:- HarGiz Nahi,Kyun ki Eid Milad Huzoor (Sallallahu Alaihi Wasallam) Ki Paidaish Ki Khushi Me Manayi Jaati Hai,Jabke Rab Ta’ala Paida Hone Se Paak Hai… Isi Tarah BuzurGaan-e Deen Ke Wisal Ke Din Ko Urs Manaya Jaata Hai,Jabke Rab Ta’ala Faut Hone Se PaakHai.Goya Eid Milad Aur Urs Manaane Se Shirk Ki Nafi Hoti Hai,use Shirk Kahna Jihalat Wa Himaqat Hai.
.
• SAWAL:- Nabi Kise Kahte HaiN?

»JAWAB:- Nabi Us A’ala Wa Irfa’a Shan Wale Bashar Ko Kahte HaiN,Jis Par Allah Ne “Wahee” Nazil Ki Ho,Aur Uski Taid Mu’jizaat Se FarmayiHo.Ye Allah Ta’ala Ka Mahbub-o Muqarrab Banda Hota Hai.
.
• SAWAL:- Har Nabi Paidaishi Nabi Hota Hai,Daleel Dijiye?

»JAWAB:- Har Nabi Paidaishi Nabi Hota Hai,Al Batta Nubuwwat Ka Elan Wo Allah Ta’ala Ke Hukm Se Karta Hai.
Hazrat Eisa (Alaihissalam) Ne Kuch Roz Ki Umr (Age) Me Irshad Farmaya: Mai Allah Ka Banda Hu,Usne Mujhe Kitab Di Aur Mujhe NabiBanaya.Sureh (Maryam:Ayat-No-30)
.
• SAWAL:- Aqeedah” Asmat-e Ambiya Se Kya Murad Hai?

»JAWAB:- Tamam Ambiya Ikram Gunaho Aur Khataon Se Paak Hote HaiN,Asmat-e Ambiya” Ke Ma’ane Ye HaiN ki Ambiya Ikram Ke Liye Allah Ta’ala Ki Taraf Se Hifazat Ka Wa’ada Hai,Isliye Unse Gunaah Hona Shar’an Naa Mumkin Hai.
.
• SAWAL:- Ambiya Ikram Barkato’N Wale Hote HaiN,Quran Se Daleel Dijiye?

»JAWAB:- Ambiya Ikram Barkat Wale Hote HaiN,Hazrat Eisa (Alaihissalam) Ka Irshad” Aur Usne (Ya’ani Rab Ta’ala Ne) Mujhe BaBarkat Kiya,Mai Kahi Bhi hu.Sure (Maryam:Ayat No-31) Hazrat Moosa Wa Haroon (AlaihiMussalam) Ke TabarroKaat Wale Sanduq Ki Barkat Se Bani Israil ko Kafiro’N Par Fat’h (Jeet) Mili Aur Unki Hajate’N PooriHoti.Sureh (Al Baqarah:Ayat No-248)
.
• SAWAL:-.Ambiya Ikram Ko Apni Misl (Jaisa) Bashar Samajhna,Quran Kareem Ne Kin Logon Ka Tareeqa Bataya?

»JAWAB:-Ambiya Ikram Ko Apni Misl (Jaisa) Bashar Samajhna Gumrahi Hai,Quran Kareem Ne Kafiro’N Ka Tareeqa Bayan Kiya Hai Ke Wo Nabiyo’N Ko Mahaz Apni Hi Misl Bashar Kahte The.(Al Muminoon:Ayat No-24-25.Sureh Yaseen:Ayat No-15)
.
• SAWAL:- Ambiya Ikram Ki Sama’at Wa Basarat A’am Insan Jaisi Nahi Hoti,Quran Se Daleel Dijiye?

»JAWAB:-Quran Kareem Me Hai Ki,Hazrat Suleman (Alaihissalam) Ne Kayi Meel Door Se “Chiyunti” Ki Baat Sunkar Muskura Diye.(An Namal:Ayat No-19) Hazrat Ibraheem (Alaihissalam) Ne Farsh Se Arsh Tak Sari Kaynat Dekhli.(Al In’am:Ayat No-75)
.
• SAWAL:- Ambiya Ikram Ki Qudart-o Taqat Aa’m Insan Jaisi Nahi Hoti,Quran Se Daleel Dijiye?

»JAWAB:-Hazrat Eisa (Alaihissalam) Farmate Hai’N,Mai Tumhare Liye Mitti Se Parinde Ki Si Moorat Banata Hu,Fir Usme Phoonk Marta Hu,To Wo Fauran Parind Hojati Hai Allah Ke Hukm Se… Aur Mai Shifa Deta Hu Madarzaad (Paidaishi) Andhe,Aur Safed Daag Wale Ko,Aur Mai Murde Jilata Hu Allah Ke Hukm Se,Aur Tumhe Batata Hu Jo Tum Khaate Ho,Aur Jo Apne Gharo’N Me Jama Karke Rakhte Ho.(Aal Imran:Ayat No-49,Kanzul Iman)
.
• SAWAL:- Hayat-e Ambiya Ikram Ke Mutaalliq Se Ahle Sunnat Wal Jama’at Ka Aqeeda Bayan Kijiye?

»JAWAB:-Ambiya Ikram Apni Apni Qabro’n Me Usi Tarah Haqeeqi Taur Par Zinda Hai’N,Jaise Zahiri Zundagi Me Duniya Me The,Wo Khaate Peete Hai’N,Jaha Chahte Hai’N Aate Jaate Hai,N,Aur Wo Ham Sabki Sama’at Ko Sunte Bhi Hai’n… Allah Ta’ala Ke Farman Ke Mutabiq Unpar Ek Aan Ke Liye Maut Taari Hui,Aur Fir Wo Zindah Kardiye Gaye.Sub’hanAllah
.
• SAWAL:- Aqeedah” Hayat-e Ambiya Par Quran Se Daleel Dijiye?

»JAWAB:-Aur Jo Allah Ki Raah Me Maare Gaye,Hargiz Unhe Murdah Khayal Na Karna,Balke Wo Apne Rab Ke Pas Zindah Hai,N,Aur Rozi Paate Hai’N.(Aal Imran:Ayat No-169)
Iske Baare Me Kisi Ko Ikhtilaf Nahi ke Ambiya Ikram Tamam Logo’N Se Afzal Hai’N,Pas Jab Shaheed Zindah Hai’N To Ambiya Ikram Yaqinan Zindah Hai’N… Allama Siyuti (Alaihirrahma’n) Farmate hai’N,Tamam Ambiya Ikram Nubuwwat Ke Sath Wasfe Shahadat Ke Bhi Jam’e Hai’N.
{انباءالازكياء}
………………..-………………..-………………..-………………..-

• SAWAL:-22.Makhlooq Me Sabse Afzal Log Kaun Hai,N,Aur Sabse Afzal Hasti Kaun Hai?

»JAWAB:-Tamam Makhlooq Me Ambiya Ikram (AlaihiMussalam) Afzal Hai’N,Aur Saare Ambiya-o Rusul Me Hamare Aaqa Wa Maula Hazrat Muhammad (Sallallahu Alaihi Wasallam) Sabse Afzal Hai’n.
.
• SAWAL:-23.Huzoor Akram (Sallallahu Alahi Wasallam) Ne “Innama Ana Basharum Mislukum” KinLogo’n Se Farmaya Tha?

»JAWAB:-Aap Ne Ya Baat Un Kafiro’n Se Farmayi Thi,Jo Kahte The Ke Hamare Dil Gilaf Me Hai’N,Us Baat Se Jis Ki Taraf Tum Hame Bulate Aur Hamare Kaano Me Rui Hai,Aur Hamare Aur Tumhare Darmiayan Parda Hai.{Sureh Haa Meem Assajdah:Ayat No-05}
.
• SAWAL:-24.Huzoor Akram (Sallallahu Alaihi Wasallam) Ne “Ayyu Kum Misli” Kin Logo’n Se Farmaya Tha?

»JAWAB:-Huzoor (Sallallahu Alaihi Wasallam) Ne Apne Sahaba Se Farmaya Tha,AYYU KUM MISLI. Tum Me Kaun Meri Misl Hai? Beshak Mai Us Haal Me Raat Guzarta Hu ke Mera Rab Mujhe Khilata Hai,Aur Pilata Hai.
{Bukhari,Muslim}
.
• SAWAL:-25.Allah Ta’ala Ne Huzoor (Sallallahu Alaihi Wasallam) Ka “Noor” Kab Takhleeq Farmaya? Hadees Batayen.

»JAWAB:-Huzoor (Sallallahu Alaihi Wasallam) Ne Farmaya:Allah Ta’ala Ne Kaynaat Ki Takhleeq (Paidaish) Se Paihle Tumhare Nabi Ke Noor Ko Apne Noor Ke Faiz Se Paida Farmaya.
{مصنف عبدالرزاق:مواهب الدنيه}
.

• SAWAL:-26.Huzoor (Sallallahu Alaihi Wasallam) Mas’ab-e Nubuwwat Par Kab Faaiz Huwe?Hadees Batayen.

»JAWAB:-Huzoor (Sallallahu Alaihi Wasallam) Ne Farmaya: Mai Us Waqt Bhi Nabi Tha,Jab Aadam (Alaihissalam) Rooh Aur Jism Ke Darmiayan The.
{Tirmizi Shareef}
>>>>>>>>>>>>>>>>>>>>->>>>>>>>>>>>>>>>>>>>

• SAWAL:-27. Huzoor (Sallallahu Alaihi Wasallam) Ki Ta’azeem Wa Tauqeer Ka Hukm “Quran” Ki Kis Aayat Me Hai?

»JAWAB:- Ay Logon! Tum Allah Aur Uske Rasool Par Imaan Laao,Aur Rasool Ki Ta’azeem Wa Tauqeer Karo,Aur Sub’h-o Shaam Allah Ki Paki Bolo.{Al Fat’h:Ayat-No-09,Kan-zul Imaan}
.
• SAWAL:- 28. Is Ayaat-e Kareema Se Kya Aqeedah Sabit Hota Hai?

»JAWAB:- Is Ayat Kareema Me Sabse Pahle Imaan Ka Zikr Hai,Fir Huzoor (Sallallahu Alaihi Wasallam) Ta’azeem Wa Tauqeer Ka,Aur Fir Ibadat Ka.
Maloom Huwa Ke Iman Ke Bagair Ta’azeem Ka Faida Nahi,Aur Jab Tak Nabi-e Kareem (Sallallahu Alaihi Wasallam) Ki Sachchi Ta’azeem Na Ho,Sari Ibadat Bekar Hai.
{Bukhari,Muslim}
.
SAWAL:-29.Sahaba Ikram Huzoor (Sallallahu Alaihi Wasallam) Ki Ta’azeem Kistarah Karte The? Hadees Batayen.

»JAWAB:- Sahaaba Ikram Aap Ke Thook Mubarak,Baal Mubarak,Aur Wazu Ka Istimal Huwa Paani Zameen Par Na Girne Dete,Luaab-e Dahan Aur A’aza-e Wazu Ka Dhoban Apne Chihron Par Mal Lete,Aur Baal Mubarak Husoole Barkar Ke Liye Mahfooz Karlete The.
{Bukhari,Muslim}
.
• SAWAL:-30.Huzoor (Sallallahu Alaihi Wasallam) Wisaal Farmane Ke Ba’ad Bhi “Darood Shareef” Sunte Hai,Woh Hadees Shareef Batayen?

»JAWAB:- Huzoor (Sallallahu Alaihi wasallam) Ne Farmaya: Juma Ke Din MujhPar Ziyadah Darood Padha Karo,Kyun ki Us Din Farishte Hazir Hote Hain,Koi Banda Jaha Bhi Ho Darood Padhta Hai To Uski Aawaz Mujh Tak Pahunch Jati Hai…
Sahaba Ikram Ne Arz Ki,Ya Rasoolallah! Kya Aap Ke Wisaal Ke Ba’ad Bhi?
Sarkar (Sallallahu Alaihi wasallam) Ne Farmaya: Haa Mere Wisaal Ke Ba’ad Bhi,Kyun Ki Beshak Allah Ta’ala Ne Zameen Par Haram Kardiya Hai Ki Wo Ambiya Ikram Ke Jism-o Khaay.
{Ibn-e Maja,Tibrani,Jalaul Afham-Safa-No-63}
Ek Aur Irshad Mubarika Hai Ki,Ahle Muhabbat Ka Darood Mai Khud Sunta Hu,Aur Use Paihchanta Bhi Hu.
{Dalailul Khairaat}
.
• SAWAL:-31.Huzoor (Sallallahu Alaihi Wasallam) Wisaal Ke Baad Bhi Hamare Salaam Sunte Hain? Hadees Batayen.?

»JAWAB:-Huzoor Sallallahu Alaihi Wasallam Ka Irshad Hai: Jab Koi Mujhpar Salaam Bhejta Hai,To Allah Ta’ala Meri Rooh Mujh Par Lauta Deta Hai (Ya’ani,Meri Rooh Ki Tawajjoh Salaam Bhejne Wale Ki Taraf Ho Jaati Hai) Yaha Tak ke Mai Usko,Uske Salam Ka Jawab Deta Hu.
{Masnad Ahmad,Abu Dawud,Baihqi}

Read More

Attractive Personality Be a beautiful and looks beautiful both are different things. In daily life that girl whose color is fair, shining hair, beautiful eyes they are beautiful but they are not attractive personality. You should take care of yourself for attractive personality. You have to satisfy on yourself. There are some tips of attractive personality are given below read in Urdu.

DeeniRaah.blogspot.com

Apni Shakhsiyat Pur Kashish Banayein:

Khobsurat hona aur khobsurat nazar aana do mukhtalif batein hain. Roz marrah ki zindagi mein har dusri larki khoobsurat nazar aaye gi, jis ka rung saaf shafaf ho, baal bhi chamak dar, aankh, naak, hont, sehat har aitbar se achi ho, magar woh khoobsurat hai magar pur kashish nahi hai. Pur kashish nazar aane ke liye zaroori hai keh aap apne aap se ba khabar hon, matlab khood aitmadi hai, aap ki harkat o sktanat mutasir kun hon, aap ka make up, Libas, khorak andaz sukhan, balon ka andaz munfarid aur khoob surat ho, mehsoos ho keh aap apni shkhsiyat se mutmain hain, zel mein hum shkhsiyat ko pur kashish banane ke chand bunyadi asool bata rahein hain jinhein apna kar aap pur kashish shkhsiyat ki malik bn skti hain. Khood Aitmadi: Hamare andar aitmaad ho na buhat zaroori hai agar hum mein aitmaad nahi hoga to hum baat karte waqt apne mad e muqabil par woh tasur nahi chor sakein gay jo guftagoo ka taqaza hoga. Mushkil yeh hai keh jis waqt hamein aitmaad ki sakhta zaroorat hoti hai is waqt hum is se mehroom ho jate hain aise hi mawaqa ke liye hum zel mein chand kar-aamad batein pesh kar rahein hain jis par ghor kar ke aap apni khood aitmadi mein izafah kar skte hain. Harkat o Sknaat se Guftagoo: Aap kamre mein dakhil hon aur kisi kursi par baithein aap ke har andaz se khood aitmadi nazar aani chahiye. Harkaat o sknat se doosron ko andazah hota hai keh aap mein kis qdar aitmaad hai. Aap ko maaloom hona chahiye keh jab bhi khari hon bilkul sidhi khari hon. Farz karein keh aap apne balon mein lage clip ya ribbon ko durust kar rahi hon to aap ka hath samne ki taraf nahi hona chahiye. Garden jhuka kar baat na kia karein aur na hi is andaz ko logon ke samne jate waqt apnaya karein jism ki tarah pura chehra bhi numaya aur sidha hona chahiye. Malboosat shakhsiyat aur mizaj ka andazah lebas se ba aasani lagaya ja skta hai mtlab lebas aap ki shkhassiyat ko grace full aur charming bhi bana skta hai aur aap ki shakhsiyat ka tamam charm khatam bhi kar skta hai. Tez aur shokh rangon ko pehnne se bilkul na ghabrayein, laal rung ke shokh shed ka intekhab karein. Nila aur sabz bhi jazib e nazar hote hain. Shokh rung pehnte waqt is baat ka kheyal rakhein keh yeh lebas sar se per tak na ho, balkeh qameez shokh ho to shalwar ka rung dhima ho. Agar shokh rung ke chinte ja baja hon tb bhi aap ka mqsad pura ho jaye ga. Khood se Pyaar Kijye: Apne aap par tawajjah dijye apna kheyal rakhein apne sath aisa salook karein jaise aap azeez taraeen dost ke sath karti hain, agar aap khood ko ahmiyat dein gi to roz baroz aap ke aitmaad mein izafah hoga tamam din ke dabao se khood ko aazad karein , pur sakoon ho jayein. Koi psandidah film deikh lein, mosiqi se dil behlayein.

Read More

Order to Judge Men with Women Therefore it is likely that more will be able to do justice between wives, then take a wife. Read in detail below in Roman Urdu.

DeeniRaah.blogspot.com

Mardon ko Auraton ke Sath Insaaf Karne ka Hukam:

"Pas agar yeh andeshah ho keh (aik se zayad biwiyon ke darmian) insaf na kar sako gey to phir aik hi biwi rakho." Aik dusrey maoqaa par irshad hua: Aur tumhare bas mein nahi keh biwiyon ke darmian pura pura insaf kar sako agarche keh tum chaho (pas khudayi qanun ka mansha pura karne ke liye yeh kafi hai keh) aik biwi ki taraf aise na jhuk jayo keh dusri ko yun hi be sahara latkti hoyi chor do. Agar tum apne tar-e-amal ko durust rakho aur khuda se darte raho to wo chashm poshi karne wala aur raham karne wala hai. Matlab yeh hai keh aik aadmi tamam halat mein tamam haisyaton se do ya zayad biwiyon ke darmian musawat nahi barat sakta aik khubsurat hai dusri bad surat, aik jawan hai dusri san-e-rasidah, aik dayam-ul-marz hai dusri tandurust, aik bad mizaj hai aur dusri khush mizaj isi tarah ke dusre tafawat bhi mojood hain jin ki wajah se aik biwi ki taraf tabyan aadmi ki raghbat kam aur dusri ki taraf ziadah ho sakti hai. Aisi halation mein qanun yeh mutalbah nahi karta keh muhabbat-o-raghbat aur jismani taalluq mein zarur hi donon ke darmian musawat rakhi jaye balkeh sirf yeh mutalbah karta hai keh jab tum be raghbati ke bawajood aik aurat ko talaq nahi dete aur is ko apni khuwahish ya is ki khuwahish ki bina par biwi banaye rakhte ho to is se kam az kam is had tak talluq zarur rakho keh wo amlan be shohar ki ho kar na rah jaye. Aise halat mein aik biwi ki ba nisbat dusri ki taraf Milan ziadah hona to fitri amar hai lekin aisa bhi nahi hona chahiye keh dusri yun muallaq ho jaye goya is ka koi shohar hi nahi. Hazrat Haris ® ka biyan hai keh nabi (SAW) apni biwiyon ke darmian haquq ki taqseem mein pura pura insaaf farmate aur dua farmaya karte: Aye Allah yeh meri taqseem hai in cheezon mein jin par mera qabu hai tu mujhe is cheez mein malamat na kar jo khalis tere qabze mein hai mere qabze mein nahi.

Read More

Haq Mehar Maher says the money or property is given as compensation to the wife. This is not a set amount by which men can be offered the time of marriage they have to pay. If a women whole or any part of her husband forgave and then he began to ask her if her husband would be forced to pay. Therefore this survey is to demand meaning that Seal or any part of their happiness mehar she did not want to miss. Read in detail in bellow Roman Urdu.

DeeniRaah.blogspot.com

Haq Mehar:

Irshad khudawandi hai: Auraton ke mehar khush dili ke sath (farz jante huye) ada karo albattah agar wohh khud apni khushi se mehar ka koi hissah tumhain muaaf kar dain to isey tum maze se kha sakte ho. Mehar is raqam ya maal ko kehte hain jo haq zojiyat par dia jata hai yeh koi mutaiyan raqam nahi hai balkeh mard ki istetayat ke lehaz se jo nikah ke waqt tai ho jaye woh ada karni parti hai. Hazrat Umer® aur Qazi sharih ka faislah yeh hai keh agar aurat ne apne shohar ko pura mehar ya is ka koi hissah muaaf kar dia ho aur baad mein wohh phir is ka mutalbah karne lage to shohar is ke ada karne par majbur ho jaye ga kiun keh is ka mutalbah karna yeh maine rakhta hai keh woh apni khushi se mehar ya is ka koi hissah nahi chorna chahti. Aurat ki muashi haisyat aur mustahkam ho jati hai jab Quran ka yeh hokum samne aata hai. agar tum ne auraton ko buhat sa maal bhi dia to is mein se kuch bhi tum wapis na lo. Quran is baat par israar karta hai keh mard aurat se tamta uthane se pehle is ka haq mehar ada kar dain. Woh auratain jo halal hain yani jin se nikah karne jaiz hai un ke bare mein kaha gia In ke ma sawa jetni aurtain hain inhain apne amwaal ke zariye se hasil karna tumhare liye halal kar dia gia hai. Basharte keh hisar nikah mein in ko mahfuz karo na yeh keh aazad shahwat rani karne lago. Phir jo azdawaji zindagi ka lutf tum in se uthao is ke badle in ke mehar bator farz ke ada karo albattah mehar ki qarar dad ho jane ke baad agar aapas ki raza mandi se tuhare darmian koi samjhota ho jaye to is mein koi harj nahi. Allah Aleem aur dana hai. Isi tarah sura Al-Maidah mein irshad hota hai: aur mahfuz auratain bhi tumhare liye halal hain khuwa woh ahle imaan ke goroh se hon ya in qomon mein se jin ko tum se pehle kitab(book) di gayi thi basharte keh tum in ke mehar ada kar ke nikah mein in ke muhafiz bano na yeh keh aazad shewat rani karne lago ya chori chuppe aashnaiyan karo aur jis kisi ne imaan ki roshni par chalne se inkar kia to is ka sara karnama zindagi zaya ho jaye ga aur aakhrat mein diwalyah hoga. Haq mehar ada karne ke liye Quran Kareem musalman mardon ko yun tanbih karta hai. Surah nisa ki 19 aayat mein irshad hota hai: Aye logo! Jo imaan laye ho tumhare liye yeh halal nahi hai keh zabardasti auraton ke waris ban baitho aur na yeh keh halal hai keh unhain tang kar ke is mehar ka kuch hissah ura lene ki koshish karo tum unhain de chuke ho han agar woh sirf bad chalni ki murtakab hon (to tumhain bator saza zarur unhain tang karne ka haq hai). Jin shadi shuda logon ke mehar istetaut se ziadah likhe huye hain in mein islah ki yahi surat hai keh who khush aslubi aur nek niyati se apni biwiyon ko mehar kam kar dene par raza mand karein aur biwiyon ko chahiye keh woh deen-o-dunya donon ki maslehat ko pesh nazar rakh kar apne mehar kam kar dene par razi ho jayain aur is qadar kam dar dain keh in ke shohar aasani ke sath ada kar sakain is tarah donon aaram aur sakun se zindagi basar karain ge aur mard bahar haal is ahsaas par apni biwiyon ke sath pehle se bhi ziadah khush rahain ge. Yahan yeh baat zehan nasheen rahe keh mehar aik tarah ka qarz hai aur qarz ko allah taala akhrat mein har giz nahi bakhshe ga. Hazrat Muhammad (SWA) ne farmaya: Jis ne aik maal mehar ke ewaz kisi aurat se nikah kia aur niyat yeh rakhi keh who is mehar ko ada nahi kare ga who dar asal zani hai aur jis ne qarz lia aur niyat yeh rakhi keh who is ko ada nahi kare ga who dar asal chor hai. Mehar ki muafi sirf aurat ke ikhtiyar mein hai. Surah Baqrah mein irshad hota hai. Magar yeh keh auratain narmi bartein. Mehar chun keh aurat ka haq hai is liye yeh isi waqt muaaf ho sakta hai jab aurat khud muaaf kar de. Quran ke yeh alfaz: (Agar auratain dil ki khusnudi se kuch hissah muaf kar dein.) batate hain keh is mein aurat ki khusnudi ka pura pura lehaz karna hoga. Ghar ki fiza ko aisa na banaya jaye keh kisi dabao aur lalach se majbur ho kar aurat mehar muaaf kar de aur dar haqiqat who mehar chorne ke liye na ho. Mehar muqar’rar na kia to kuch de kar rukhsat karna zaruri hai. Irshad bari taala hai: Agar tum auraton ko in ke pas jane aur in ka mehar muqar’rar karne se pehle talaq de do to tum par koi gunah nahi. Han is surat mein unhain kuch na kuch zarur do. Khush hal aadmi apne maqdur ke mutabiq aur ghareeb aadmi apni haisyat ke mutabiq maruf tareeqe par de. Yeh hokum is aurat ka hai jis ko shohar ne hath na laga ya ho rahi who aurat jis se shohar ne talluq zan shohar qaaim kar lia ho to is aurat ko is ke khandan ki dusri is jaisi larkiun ke barabar mehar dia jaye ga.

Read More

Spending Authority ( Haq-e-Nafqa )

Spending Authority Prosperous man and poor man can afford to spend on their own, according to known methods. Women get money from different way Capture and dispose of the property has all the powers and rights to it. Including the power to intervene is not his father or husband or someone. If she earned money by hard work or business even the husband should maintenance obligation. More detail Read in Roman Urdu.

DeeniRaah.blogspot.com

Haq-e-Nafqa:

Irshad bari taala hai: "Khushhal aadmi apni istetaut ke mutabiq aur ghareeb aadmi apni istetaut ke mutabiq maruf tareeqe se nafqah de." Aurat ko mukhtalif tareeqe se jo kuch maal puhanchta hai is mein milkiyat qabza aur tasaruf ke tamam ikhtiyarat aur haquq ise diye gaye hain jin mein mudakhlat karne ka ikhteyar na is ke baap ko hasil hai na shohar ko aur na hi aur kisi ko mudakhlat karne ka ikhtiyar ho sakta hai. Is ke elawa agar wo kisi tejarat mein apna rupiah laga kar ya khud mahnat kar ke kamaye to is ki malik bhi mukammal tor par wahi hai in sab ke bawajood is ka nafqah har haal mein is ke shohar par wajib hai. Nafqah ke faqhi ahkaam yeh hain keh agar koi mard apni biwi ko nafqah na de to is ki do hi wajahin ho sakti hain aik yeh keh wo istetaut nahi rakhta. Dusri yeh keh istetaut ke bawajood nahi deta. Istetaut na rakhne ki surat mein mukhtalif faqhi nazaryat hain lekin Imam Maalik ka istadlaal ziadah durust nazar aata hai keh  “Mahina do mahina ya munasib muddat tak mard ko muhlat di jaye agar is muddat mein bhi wo biwi ke nafqah ka bandobast na kar sake to phir tafreeq (alihdah, talaq) karadi jaye”.  Istetaut rakhne ke bawajood agar mard biwi ko nafqah na de to yeh zulm hoga aur qaazi ka farz hai keh shohar se zabardasti nafqah haasil kar ke dilwaye phir agar shohar hakim ke hokum ki tameel na karey to aisi surat mein hanafyah kehte hain keh sewaye is ke aur kuch nahi ho sakta keh aurat khud apne nafqah ka intezaam karey. Shohar ke naam par qarz lekar ya mahnat kar ke. Lekin Imaam Malik kehte hain keh aisi surat mein qaazi (judge) ko haq hasil hai keh tallaq waqai kar de. Kiun keh Quran ki ru se nafqah aurat ka haq hai aur jab koi mard istetayat ke bawajood nafqah na karey to aurat ka aise mard se zabar dasti bandhey rahna durust nahi.

Read More

Love You to Own Wife Some time husband thought that it is impossible to live with his wife. She is ugly, bad habit or she is not able to love. Those husbands should remember that wife is blessing of God's. She prevent you bad way. So love you own wife and thing the most beautiful than other women. Read article in Roman Urdu.

DeeniRaah.blogspot.com

Apni Biwi Se Pyarr Karain:

Baaz husband wife jab in ka mizaj nahi mil pata to shohar yeh faisla kar lite hain keh ab guzarah mushkil hai, yeh merey sath nahi chal sakti, ya yeh keh muhabbat ke qabil hi nahi, ya wife ke tamam aiyub ke barey unwaan bana kar barey barey haruf se apni peshani par likh dete hai keh yeh aisi hai, yeh wisi hai waghairah waghairah. In husband se ghuzarish hai keh yeh sochein keh Allah ke yahan jora moqaddar hai. yeh wife jo merey ghar mein hai, Allah ke dast karam se ata hui hai. Aur bhalai in ka dast karam ata karey, iss se barh kar koi cheezen nahi ho sakti. Lehaza jo wife Allah ne di hai, iss ko sari dunya ki auraton se ziadah haseen samjain. Aurtom mein do siftain qabil-e- taareef hain. Aik to khidmat gari aur doosri iffat. Iffat to iss darjah hai keh mard chahe afyal se paak hon, lekin waswason se koi shayad hi khali ho aur shareef aurton mein se shayad hi koi aisi nikle jis ke dil mein kabhi waswasa bhi aaya ho. Wife haram se bachne ka wahid zareeya hai. Allah pak ne halal tareeqey par jo wife ata ki hai yeh sab se ziadah haseen hai aur mujhay haram karyon se bachane ka wahid zareeyah hai. Hazrat Muhammad (SAW) ne farmaya keh “apni biwi se suhbat karna bhi sadqa hai.” Allah pak bhi aise logon ko apna dost bana lete hain jo apni wife ke sath husn salook se pesh aatey hain. Jis zameen wale ne apni biwi ki tulkh mizaji, tarsh rawi, bad ikhlaqi ya husn ki kami ko bardashkia aur Allah ki raza ke liye iss ke sath acha salook kia to aasmaan wale ne iss ko itna nawaza keh iss ko apna qareeb ata farmaya. Agar biwi ko shohar se piar nahi milta aur wo mahsoos karti hai keh is ke dil mein bhi iss ke liye jagah nahi, na shohar ke rawaiye mein iss ko apni waqat-o-izzat ki koi jhalak nazar aati hai to iss kam naseeb aurat ke dil mein ahsaas mahroomi ka aisa khula paida ho jata hai jo mahaz bimaar jazbaat se pur hota hai. Raat din wo inhi mein ghiri rahti hai jo iss ki zindagi ajran kar deti hai. Aisi aurat chahe maan ke ghar se yeh jazbaat jahez mein layi ho ya shohar ke ghar mein aane ke baad yeh jazbaat paida huye hon. Iss ka asal sabab donon suraton mein yahi ho ga keh isey nazar andaaz kia gia hai ya wo muhabbat aur apnaiyat se mahroom rahi hai. Lehaza apni biwi se muhabbat kijye aur yaad rakhye muhabbat ka jawab zarur muhabbat se dia jata hai. Isi tarah Allah ne wife ko jo muqaam bakhsha aur isey jo hoquq ata kiye hain, in ka taqaza hai keh wo apni khuda dad salahiyatain apne shareek zindagi ke sath taawun aur isey khush rakhne mein sarf karey. Agar donon yeh kam karain to na sirf yeh keh ghar dunya hi mein jannat ban jaye, balkeh in ka yeh tarz-e-amal mustaqil ibadat ke hokum mein hai, jo aakhrat ki haqiqi jannat ka wasila bhi hai.

Read More

Working Girl Can Be A Good Wife

Working Girl Can Be A Good Wife Now a day it is very difficult boys and girls marriage. Especially for girls, they are rejected by women. The reason of reject are, there is no beautiful, very fat, short height, dark color, no good residence and now add in these that girl do job. There are lot of problem which are created by own. Every one known very well that it is very difficult to live in one person income. Living thing prices are so high, financial problem face in each family. So girl does job for solve financial problem and help their family. Now a day 70% women and girls do job in many fields. There are lots of girl who are doctor, engineer, pilot, speaker and do job in different field to their ability. They are doing job and also a wife they have to duty in their home and at job field. So it is proved that working girls can be a good wife.

DeeniRaah.blogspot.com

Job Karne Wali Larkian Achi Wife Ban Sakti Hain:

Boys ya girls key liye maiyari rishton ki talash aik gambhir muaashrati maslah hai. Aur yeh masla hamara apna paida karda hai, kiun keh hum ne iss zaman mein aik khud sakhta paimana muqarrar kar rakha hai, jis mein khoob surti, dolat-o-hashmat aala khandani pas-e-manzar waghairah sar fehrast hain. Aaj kal serut, taleem, deen dari aur ikhlaqyat to koi maine nahi rakhtey , khosusan larki ka chunaoto iss tarah kia jata hai goya mandi mein bikne wala janwar, pasan na aaya to dusrsari nazar daal key aagey barh gaye. Ghar ghar ja kar apney beton aur bhyion key liye larkian dekhna bhi mahaz waqt guzari aur faishon banta jaraha hai. Amuman jin asbaab key bina par larkion key rishtey rad kiye jatey hain, inn mein:

• Larki khoob surat nahi.
• Moti hai.
• Qad chota hai.
• Rung kam hai.
• Rehaish elaqah acha nahi.
• Ghar bar acha nahi waghairah Aam hain.
• Aur ab to larkion ko rad karne ki aik aur waja bhi daryaft ho gayi hai aur wo hai mulazmat yani larki mulazmat pasha hai.

Yun to har shakhsh roshan kheyali key dawa karta nazar aata hai. Lekin mojooda sakht muashi halat ka muqabla karney wali in larkion ko roshan kheyali key zamrey se kharij kar dia jata hai. Roshan kheyali to yeh hai keh kisi tafreeq key beghair tarrqqi ki kamyabi key hosool ko mowassar bananey ki talqeen-o-tayad ki jaye, warna majboori aur halat se nazarain chura kar in key barey mein raye kharab karli jaye. Yeh kheyal qat-an ghalat hai keh mulazmat karne wali larkiyan achi khaton khana nahi hotin, wo tamam larkian jo doctor, surgeon, lawyer, judge, pilot aur speaker tak key uhdey puhanch gayi hain, to wo yaqeenan apni qabliyat aur salahiyat key bal bootey par hi yeh moqaam hasil karti hain. Aur aisi larkian yaqeenan apni gharelu zummah daryon se bhi ghafil nahi ho taeen, aurat ko to Allah ne etna lachak dar banaya hai keh wo har qisim key halat-o-mahol key mutabiq khood ko dhalne ka behtareen hunar rakhti hai. Iss waqt 70 % larkian muashi masayal se moqablah karne aur aasmaan ko choti mahngayi se nabard azma honey key liye majbooran hi job kar rahi hain keh mojooda halat ka taqaza hai keh ghar mein jitney afraad khane wale hon ,utne hi kamane wale bhi, tab hi guzara mumkin hia. Aur iss haqeeqat ka aitraaf sab hi ko hoga, phir bhi na jane kiun mulazmat pasha larkian hadaf tanqeed hin.

Ghar aur bahir ki zummah daryan puri karne key chakar mein amuman mulazmat pasha khawateen-o-larkian khood “ghan chakar” ban jati hain. Aisi surat mein khood par kabhi khaas towajjah nahi de paten, sehat ki taraf se bhi la parwa ho jati hain magar in ka yeh jazba-e-esar kisi ko bhi nazar nahi aata, so aisey mein bajaye in ki izzet-o-taazeem key in ki kirdar kasha karna shak ki nazar se dekhna aur in key rishtey yeh keh kar rad kar dena yeh mulazmat karti hain, sarasar zulm hai. Zara sonchye agar logon ki yahi soch rahi, to kia mulazmat karne wali Larkian isi tarah parents ki dahleez par baithi khushiyon key intezaar mein apni aarzuyon aur umangon ka khoon karti boorhi ho jayain gi?

Read More

Be Confident in Your Daughter Daughter is God’s gift for parents. These gifts which make your life very Beautiful. This gift values knows very well especially those person who have no daughter. That home where 2 or 3 daughter are present looks very smiling home. until now it is very difficult to grow up the daughter for parents. Especially for mother here is some suggestion for parents. How to be confident in your girl? For this purpose you should do something which is given bellow: Give her good education Make friendship with your daughter Appreciate to her success Not difference b/w children Give her permission to meet with those person who are well known of your.

Beti ki Parwarish

Beti ki parwarish aaj bhi maan baap aur khosusan maan ke liye mushkil marhala hai, agar maan taaleem yafta aur samajh dar ho to yeh marhala qadre aasan ho jata hai, warna yeh kachi miti jaisi larkian kabhi khubsurat gul daan nahi banti. Betiyon ki tarbiat kaise bahtar andaaz se ki jaye iss ke liye chand nokat kar aamad ho sakte hai takeh in ki shakhsiyat par atemaad ho aur zamane ka samna andaz mein kar sakein. Behtar Taleem ki Farahmi: Taleem kisi bhi fard ki shakhsiyat ki takmeel ka aham tareen juz hai amuman parents aulaad ke liye taleem ki saholatain muntakhab karte huye apne maiyar-e-zindagi ko mad-e-nazar rakhte hain, tahum yahan aik pahloo aksar dekhne mein aaya hai keh larkon ke school ke muaamley mein koyi samjhotah nahi kia jata jabkeh larkion ke liye maamuli school se bhi samjhotah kar lia jata hai iss rujhhaan ko taleemi khatam ho jana chaiye. Larkiyon ke liye bhi behtareen taaleem ki farahmi yaqini banana chahye.beti ko agar maiyari taleem se aarastah karein ge to, is ski shakhsiyat mein nikhar aaye ga agar taleem ki bunyad hi mazboot hogi to aala taleem ka hosul aasan hoga Munasib Hosla Afzayi: Bachiyon ki har manzil par munasib hoslah afzaayi karain, iss silsile mein khaas kheyal rakhain keh jahan in ko sahare ki zaroorat ho wahan aap ko pely se mojood hona chahye. Bachiyan agar kisi imtehaan mein achey number leti hain, ghar ka koyi kaam acha karti hain, kisiwaqt koyi achi baat kehti hain to bhi waldain ko in ki bhar poor himmt afzayi karni chahiye takeh in ka hoslah buland ho wo mazeed behtar ho sakain. Hoslah afzayi ka yeh amal shakhsiyat mein towazan paida kar ga aur jab bachi koyi kaam kare gi to ise aitmaad ke sath kare gi keh wo ach kaam kar rahi hai jo iss ke waldain pasand Karin. Aitmaad ghar se mile ga to muashra bhi iss atemaad se mustafeed hoga. Beti ki Dost Banye: Beti ki shakhsiyat mein aitmaad paida karne ke liye doosra ahum nokta yeh hai keh mayon ko apni betiyon ke buhat qareeb hona ziada masroofyat ya kisi aur wajah se apni batyon ke qareeb nahi rah pati hain, kayi masayal janm lete hain. Larkiyon ke phool se nazuk wajood zahan mein uljhanain paida ho jati hai jo shakhsiyat ko adhura rakhti hain aur bachiyan ahsaas mahroomi ka shikar rahti hain. Be Ja Rook Tok se Guraiz Karain: Bachiyon ko apne in ahbaab se jin mein aap koi khubi mahsoos karti hain ya jin par aap ko aitmaad ho aur ya jin ke bache aap ke bachon ke hum umer hon logon se milne julne ka dhang aata hai to in ki shkhsiyat buhat pur aitmaad hoti hai wo kisi ko daikh kar ghabrati nahi hain aur mahmanon ka samna buhat aitmaad se karti hain lehaza inn ko ahbaab se mutarif karwayain takeh wo aitmaad se baat karna sikhain. Bachion Mein Imteaz Har Giz na Karin: Bachion mein ki jane wali tafarruq shakhsiyat ko tor phor deti hai wo ahsaas-e-mahroomi aur kamtari ka ahsaas paida kar leti hain aur basa awqaat sari zindagi ahsaas kamtari ka shikaar hi rahti hain jis se in ki shkhsiyat ki nash-o-numa nahi ho pati hai wo kamzor aur aitmaad ke beghair roh jate hain lehaza tamam bachon ko yaksaan ahmiyat dain. Mayon ki janib se milne wala yeh mazboot o anmol tuhfah bila shubah larkiyon ki shaksiyat mein pur aitmaad aur mokammal shakhsiyat ko paida karne mein khatir kha madad de ga. Agar aap in chand nokaat ko zehan mein rakheain to koi shubah nahi keh aap ki beti ki shakhsiyat pur aitmaad na bane. Achi tarbiyat achi maan hi de sakti hai aur aap yaqinan achi maan banna pasand Karin gi. Tags: bachon ki parwarish, bachon ki parwarish in hindi, bachon ki parwarish in urdu, aulad ki parwarish, bachon ki tarbiyat, beti ki parwarish

Read More