Attractive Personality Be a beautiful and looks beautiful both are different things. In daily life that girl whose color is fair, shining hair, beautiful eyes they are beautiful but they are not attractive personality. You should take care of yourself for attractive personality. You have to satisfy on yourself. There are some tips of attractive personality are given below read in Urdu.

DeeniRaah.blogspot.com

Apni Shakhsiyat Pur Kashish Banayein:

Khobsurat hona aur khobsurat nazar aana do mukhtalif batein hain. Roz marrah ki zindagi mein har dusri larki khoobsurat nazar aaye gi, jis ka rung saaf shafaf ho, baal bhi chamak dar, aankh, naak, hont, sehat har aitbar se achi ho, magar woh khoobsurat hai magar pur kashish nahi hai. Pur kashish nazar aane ke liye zaroori hai keh aap apne aap se ba khabar hon, matlab khood aitmadi hai, aap ki harkat o sktanat mutasir kun hon, aap ka make up, Libas, khorak andaz sukhan, balon ka andaz munfarid aur khoob surat ho, mehsoos ho keh aap apni shkhsiyat se mutmain hain, zel mein hum shkhsiyat ko pur kashish banane ke chand bunyadi asool bata rahein hain jinhein apna kar aap pur kashish shkhsiyat ki malik bn skti hain. Khood Aitmadi: Hamare andar aitmaad ho na buhat zaroori hai agar hum mein aitmaad nahi hoga to hum baat karte waqt apne mad e muqabil par woh tasur nahi chor sakein gay jo guftagoo ka taqaza hoga. Mushkil yeh hai keh jis waqt hamein aitmaad ki sakhta zaroorat hoti hai is waqt hum is se mehroom ho jate hain aise hi mawaqa ke liye hum zel mein chand kar-aamad batein pesh kar rahein hain jis par ghor kar ke aap apni khood aitmadi mein izafah kar skte hain. Harkat o Sknaat se Guftagoo: Aap kamre mein dakhil hon aur kisi kursi par baithein aap ke har andaz se khood aitmadi nazar aani chahiye. Harkaat o sknat se doosron ko andazah hota hai keh aap mein kis qdar aitmaad hai. Aap ko maaloom hona chahiye keh jab bhi khari hon bilkul sidhi khari hon. Farz karein keh aap apne balon mein lage clip ya ribbon ko durust kar rahi hon to aap ka hath samne ki taraf nahi hona chahiye. Garden jhuka kar baat na kia karein aur na hi is andaz ko logon ke samne jate waqt apnaya karein jism ki tarah pura chehra bhi numaya aur sidha hona chahiye. Malboosat shakhsiyat aur mizaj ka andazah lebas se ba aasani lagaya ja skta hai mtlab lebas aap ki shkhassiyat ko grace full aur charming bhi bana skta hai aur aap ki shakhsiyat ka tamam charm khatam bhi kar skta hai. Tez aur shokh rangon ko pehnne se bilkul na ghabrayein, laal rung ke shokh shed ka intekhab karein. Nila aur sabz bhi jazib e nazar hote hain. Shokh rung pehnte waqt is baat ka kheyal rakhein keh yeh lebas sar se per tak na ho, balkeh qameez shokh ho to shalwar ka rung dhima ho. Agar shokh rung ke chinte ja baja hon tb bhi aap ka mqsad pura ho jaye ga. Khood se Pyaar Kijye: Apne aap par tawajjah dijye apna kheyal rakhein apne sath aisa salook karein jaise aap azeez taraeen dost ke sath karti hain, agar aap khood ko ahmiyat dein gi to roz baroz aap ke aitmaad mein izafah hoga tamam din ke dabao se khood ko aazad karein , pur sakoon ho jayein. Koi psandidah film deikh lein, mosiqi se dil behlayein.

Read More

Nikah in Islam ( Larki ki Shadi )

Nikah in Islam The lone female in our society has no place. If she go through the proper age of married then relatives have become the target of jokes. Because of increasing age she becomes embarrassed for her family. As long as she does not get married her younger sisters are also does not get married. She becomes an obstacle without a clear stream of water can move towards their destination. You can read in this page ladkiyon ki pasand, larki ki shadi, ladkiyon ke masail, Ladkiyon ki Taleem and larki ka rishta in Urdu.

DeeniRaah.blogspot.com

Larki ki Shadi:

Hamare Pakistani mashre mein tanha larki ko koyi moqaam hasil nahi. Agar wo shadi ki munasib umer se guzar jayien to rishtah daron key taanon aur tamaskhar ka nishana banna par ta hai. Umer barh jane ke baad wo larki apne khandan ke liye pareshani ka baish ban jati hai. Kiun keh jab tak is ki shadi na ho is waqt tak choti sisters bhi unmarriage baithi rethi hain. Wo aik aisi rokawt ban jati hai ise door kiye beghair pani ka dhara apni manzil ki taraf nahi barh sakta. Ladkiyon ki Taleem Beshtar parents larki ki studies complete honte hi is ki shadi kar dena zaroori kheyal karte hain lekin phir har khandan mein taaleem ki satah bhi mukhtalif hoti hai. Kisi khandan mein larki ka metric kar lena hi is key liye taalimi meraj hai jab keh doosre khandan mein larki kam se kam B.A hona zaroori hai. Aise khandanon mein B.A ka imtehan dete hi larkiyon key liye bar ki talash shuru ho jati hai. Aur garmiyon ki chuttiyan khatam hone se qabal inhein shadi key bandhan mein bandh diya jata hai. Baaz taleem yaftah aur modern family mein larkiyon ko 21 ya 22 saal ki umer tak taaleem ke hasool ki aazadi de di jati hai lekin agar 25 saal ki umer tak bhi is ki shadi na ho sakti to parents ki raaton ki neend haram hone lagti hai. Altermodern family mein bhi larki ki shadi ka maslah bhat hassas samjha jata hai aur apni beti ki shadi se faraghat hasil karne ke baad hi wo sukh ka sans lete hain. Hamare mulk key in areas mein jahan shadi hi larki ka moqaddar bana ya ja chukka hai, in ki parwarish qurbani key aik bakre ki manind ki jati hai. Shadi ki umer ziadah karna be kar tasawwar ki jati hai aur in ki jald se jald shadi kar dena hi parents ka maqsad hayat hota hai. Lekin Pakistan key taaleem yaftah gharanon mein larkiyon ki shadi ki umron ki had khasi barhayi ja chuki hai. Tahum dehati elaqon mein jo hamare mulk key 75% hissah par mabni hai, larkiyon key liye taaleem ki zaroorat hi mehsoos nahi ki jati . In elaqon mein larki ka bahir kaam karna maayoob tasawwar kia jata hai. Isi liye shadi ki umer ko punchete hi parents key liye is ke sewa koi rastah nahi keh larki ki shadi kar di jaye. Shadi mein takher larki ko mazeed sust aur na karah bana deti hai aur parents ise apne oper izafi bojh samajhte hain. Parents ki Soch:  Parents ki daleel yeh hai keh kam umri ki shadi mein larki apne susral key mahol se jaldi motabqat paida kar leti hai. Is key elawah zaidah rishte aane ke bais sahi intekhab mein bhi aasani hoti hai. Ache rishte ke hasool ki lalach mein dehati elaqon mein amooman sher khaur bachon ki bhi engagement kardi jati hai. Baaz auqaat parents apni aulaad ki shadyan bachpan mein bhi kar dete hain. Yahan tak keh dulha dulhan ko yeh bhi maaloom nahi hota keh shadi ki rasam kia cheez hoti hai. Larkiyon ki Shadi ki Umer: Zamana qadeem mein hind pak key elaqon mein kam umri ki shadi ki rasam nahi thi tahum 1929 mein sarda act key naam se aik qaanon manzoor ki agia jis key tehat shadi key liye kam se kam larke ki umer 18 saal aur larki ki umer 14 saal moqarrar ki gayi. Is qaanoon key bawajood dehaton mein kam umri ki shadi ka rawaj ab bhi aam hai. Phir bhi guzashtah kayi barson ka survey karne se andzah hota hai keh larkiyon ki shadi ki umer ka graph aahistah aahistah oper ki taraf barh raha hai. 1911 mein larkiyon ki shadi ki average age 11 saal thi jo 1961 mein barh kar 16 saal ho gayi aur mojoodah dor mein akhbarat mein shaya hone wale shadiyon key isteharat se patah chalta hai keh in larkiyon ki umer amooman 20 – 25 saal key darmiyan hoti hain. Iqtesadi tor par taraqqi yaftah elaqon mein sahdi ki umer bhi ziadah hoti hai. Doosray mamalik se taqabil karne se andazah hota hai keh hamare mulk ki shadi ki average umer ab bhi in se kam hai. Maslan Salon mein yeh umer 16 saal hai, Malaysia mein 18 saal, UAE mein 19 saal, Philippine mein 21 saal, Thailand mein 20 saal jab keh Japan mein 23 saal hai. Taaleem aur Shadi ka Tasawwar: Taaleem ne shadi key bare mein aurtaon key tasawwar ko badal kar rakh dia. Aur is ansar ne shadi ki umer ko aage barahne mein sab se ziadha ahum kirdar ada kia. Ab se qabal sirf taaleem ki badolat mard ne apne aap ko hameshah aurat se bar tar samjha. Is ne chaha keh aurat is ka ahtaram kare. Is ki bartari ko tasleem kar key sayadat mand khadmah ki tarah apna sar tasleem kham karti rahe. Lekin ab aurat ko bhi andazah ho gia hai key jis taaleem ki badolat mard apne aap ko bar tar tasawwar karta tha. Is ka hasoool ab aurat ke liye bhi mumkin hai aur wo bhi taaleemi maidan mein mardon ke dosh badosh aage barh sakti hai aur in ka moqablah kar sakti hai. Chunan cha taaleem yaftah larkiyon ne shadi mein takher shuru kardi takeh wo apni salahiyaton ko uja gar kar sakein aur is baat ka taiyun kar sakein keh wo apni in salahiyaton ko kis tarah apne mofad mein baroye kar la sakti hain. Lekin is key sath hi monasib rishtah ka milna bhi mushkil se mushkil tar hota chala gia kiun keh ab larki ne bhi apni psand ka aik meyar moqarrar kar liya aur wo apne se kamtar larke ke aage sar jhukane ke liye taiyar nahi hai. Is se qabal aurat par farz tha keh wo shohar key har hokum ki taameel kare. Is key jaiz aur najaiz ahkamat ko mane. Agar shohar rung ralyan kare to biwi ko is ka ahtesab karne ka koi haq nahi. Agar che yeh sari batein islami ahkamat key qatyi khelaf hain. Jahan aurat ko taqreeban masawi haqooq diye gaye hain, lekin jahilanah rasam o rawaj ne aurat ko mard ki khahishat ke aage be bas kar rakha hai. Hamri taaleem maghrib se zaidah motasir hone key bais taaleem yaftah larkiyon ne bhi is ka asar qabool kia. Ab inheon ne shadi ko aurat ki ghulami se taaber karne se inkar kar dia. Taaleem ne in key zehnon ki jila bakhshi aur inhon ne shadi key liye munasib waqt key intekhab ka khood fiaslah kar liya. Shohar key intekhab mein bhi inhon ne apni marzi ko dakhal shuru kar dia. Wo aise larke sath shadi ki khahan hone lagein jis ke kheyalat in se hum aahung ho sakein. Aur wo barabri ki satah par is key sath khush o kurram zindagi basar kar sakein. Is se qabal shadi larkiyon ki sirf umer dekhi jati thi. Is baat ki bhi parwa na ki gayi keh aaya larki nafsiyati tor par bhi shadi key liye taiyar hai ya nahi. Larkon se milne par pabandi thi. School mein azdawaji zindagi se mutalliq taleem par ab bhi pabandi hai is taleem key foqdan key bais aik larki shadi key naam se khof khaya krti thi. Kam umri mein shadi ke bais bhat si larkiyan 16-17 saal mein hi kayi kayi bachon ki mayein ban jati hain aur apne aap ko waqt se pehle hi old tasawwar karne lagti hain. Chunancha aisi larki ya aurat key dil mein apni hum asar gheir shadi shudah larkiyon se hasad aur jalan paida hone lagti hai. Larki ki zindagi ka wo dor sunehri hota hai jab wo apne aap ko jawan samajhta huye sari zummah dariyon se aazad mehsoos kare. Lekin aisi larkiyon ki zindagi aik tragedy ban jati hai. Jinhein yeh dor dekhna naseeb na ho. Wo kisi ki sar parasti mein rehte huye achanak doosron ki sar parasti karne par majboor ho jati hain. Mojoodah dor ka mashrati nizam aur aurton ki badalti nafsiyat donon anasir shadi ki umer ko aagay barahne mein mawnat kar rahe hain. Auraton ki taaleem mein izafah key sath yeh tasawwar bhi barhta jaye ga. Shadi key waqt larki is key liye poori tarah taiyar hogi aur ise zehni tor par qabool kare gi.

Read More

Order to Judge Men with Women Therefore it is likely that more will be able to do justice between wives, then take a wife. Read in detail below in Roman Urdu.

DeeniRaah.blogspot.com

Mardon ko Auraton ke Sath Insaaf Karne ka Hukam:

"Pas agar yeh andeshah ho keh (aik se zayad biwiyon ke darmian) insaf na kar sako gey to phir aik hi biwi rakho." Aik dusrey maoqaa par irshad hua: Aur tumhare bas mein nahi keh biwiyon ke darmian pura pura insaf kar sako agarche keh tum chaho (pas khudayi qanun ka mansha pura karne ke liye yeh kafi hai keh) aik biwi ki taraf aise na jhuk jayo keh dusri ko yun hi be sahara latkti hoyi chor do. Agar tum apne tar-e-amal ko durust rakho aur khuda se darte raho to wo chashm poshi karne wala aur raham karne wala hai. Matlab yeh hai keh aik aadmi tamam halat mein tamam haisyaton se do ya zayad biwiyon ke darmian musawat nahi barat sakta aik khubsurat hai dusri bad surat, aik jawan hai dusri san-e-rasidah, aik dayam-ul-marz hai dusri tandurust, aik bad mizaj hai aur dusri khush mizaj isi tarah ke dusre tafawat bhi mojood hain jin ki wajah se aik biwi ki taraf tabyan aadmi ki raghbat kam aur dusri ki taraf ziadah ho sakti hai. Aisi halation mein qanun yeh mutalbah nahi karta keh muhabbat-o-raghbat aur jismani taalluq mein zarur hi donon ke darmian musawat rakhi jaye balkeh sirf yeh mutalbah karta hai keh jab tum be raghbati ke bawajood aik aurat ko talaq nahi dete aur is ko apni khuwahish ya is ki khuwahish ki bina par biwi banaye rakhte ho to is se kam az kam is had tak talluq zarur rakho keh wo amlan be shohar ki ho kar na rah jaye. Aise halat mein aik biwi ki ba nisbat dusri ki taraf Milan ziadah hona to fitri amar hai lekin aisa bhi nahi hona chahiye keh dusri yun muallaq ho jaye goya is ka koi shohar hi nahi. Hazrat Haris ® ka biyan hai keh nabi (SAW) apni biwiyon ke darmian haquq ki taqseem mein pura pura insaaf farmate aur dua farmaya karte: Aye Allah yeh meri taqseem hai in cheezon mein jin par mera qabu hai tu mujhe is cheez mein malamat na kar jo khalis tere qabze mein hai mere qabze mein nahi.

Read More

Haq Mehar Maher says the money or property is given as compensation to the wife. This is not a set amount by which men can be offered the time of marriage they have to pay. If a women whole or any part of her husband forgave and then he began to ask her if her husband would be forced to pay. Therefore this survey is to demand meaning that Seal or any part of their happiness mehar she did not want to miss. Read in detail in bellow Roman Urdu.

DeeniRaah.blogspot.com

Haq Mehar:

Irshad khudawandi hai: Auraton ke mehar khush dili ke sath (farz jante huye) ada karo albattah agar wohh khud apni khushi se mehar ka koi hissah tumhain muaaf kar dain to isey tum maze se kha sakte ho. Mehar is raqam ya maal ko kehte hain jo haq zojiyat par dia jata hai yeh koi mutaiyan raqam nahi hai balkeh mard ki istetayat ke lehaz se jo nikah ke waqt tai ho jaye woh ada karni parti hai. Hazrat Umer® aur Qazi sharih ka faislah yeh hai keh agar aurat ne apne shohar ko pura mehar ya is ka koi hissah muaaf kar dia ho aur baad mein wohh phir is ka mutalbah karne lage to shohar is ke ada karne par majbur ho jaye ga kiun keh is ka mutalbah karna yeh maine rakhta hai keh woh apni khushi se mehar ya is ka koi hissah nahi chorna chahti. Aurat ki muashi haisyat aur mustahkam ho jati hai jab Quran ka yeh hokum samne aata hai. agar tum ne auraton ko buhat sa maal bhi dia to is mein se kuch bhi tum wapis na lo. Quran is baat par israar karta hai keh mard aurat se tamta uthane se pehle is ka haq mehar ada kar dain. Woh auratain jo halal hain yani jin se nikah karne jaiz hai un ke bare mein kaha gia In ke ma sawa jetni aurtain hain inhain apne amwaal ke zariye se hasil karna tumhare liye halal kar dia gia hai. Basharte keh hisar nikah mein in ko mahfuz karo na yeh keh aazad shahwat rani karne lago. Phir jo azdawaji zindagi ka lutf tum in se uthao is ke badle in ke mehar bator farz ke ada karo albattah mehar ki qarar dad ho jane ke baad agar aapas ki raza mandi se tuhare darmian koi samjhota ho jaye to is mein koi harj nahi. Allah Aleem aur dana hai. Isi tarah sura Al-Maidah mein irshad hota hai: aur mahfuz auratain bhi tumhare liye halal hain khuwa woh ahle imaan ke goroh se hon ya in qomon mein se jin ko tum se pehle kitab(book) di gayi thi basharte keh tum in ke mehar ada kar ke nikah mein in ke muhafiz bano na yeh keh aazad shewat rani karne lago ya chori chuppe aashnaiyan karo aur jis kisi ne imaan ki roshni par chalne se inkar kia to is ka sara karnama zindagi zaya ho jaye ga aur aakhrat mein diwalyah hoga. Haq mehar ada karne ke liye Quran Kareem musalman mardon ko yun tanbih karta hai. Surah nisa ki 19 aayat mein irshad hota hai: Aye logo! Jo imaan laye ho tumhare liye yeh halal nahi hai keh zabardasti auraton ke waris ban baitho aur na yeh keh halal hai keh unhain tang kar ke is mehar ka kuch hissah ura lene ki koshish karo tum unhain de chuke ho han agar woh sirf bad chalni ki murtakab hon (to tumhain bator saza zarur unhain tang karne ka haq hai). Jin shadi shuda logon ke mehar istetaut se ziadah likhe huye hain in mein islah ki yahi surat hai keh who khush aslubi aur nek niyati se apni biwiyon ko mehar kam kar dene par raza mand karein aur biwiyon ko chahiye keh woh deen-o-dunya donon ki maslehat ko pesh nazar rakh kar apne mehar kam kar dene par razi ho jayain aur is qadar kam dar dain keh in ke shohar aasani ke sath ada kar sakain is tarah donon aaram aur sakun se zindagi basar karain ge aur mard bahar haal is ahsaas par apni biwiyon ke sath pehle se bhi ziadah khush rahain ge. Yahan yeh baat zehan nasheen rahe keh mehar aik tarah ka qarz hai aur qarz ko allah taala akhrat mein har giz nahi bakhshe ga. Hazrat Muhammad (SWA) ne farmaya: Jis ne aik maal mehar ke ewaz kisi aurat se nikah kia aur niyat yeh rakhi keh who is mehar ko ada nahi kare ga who dar asal zani hai aur jis ne qarz lia aur niyat yeh rakhi keh who is ko ada nahi kare ga who dar asal chor hai. Mehar ki muafi sirf aurat ke ikhtiyar mein hai. Surah Baqrah mein irshad hota hai. Magar yeh keh auratain narmi bartein. Mehar chun keh aurat ka haq hai is liye yeh isi waqt muaaf ho sakta hai jab aurat khud muaaf kar de. Quran ke yeh alfaz: (Agar auratain dil ki khusnudi se kuch hissah muaf kar dein.) batate hain keh is mein aurat ki khusnudi ka pura pura lehaz karna hoga. Ghar ki fiza ko aisa na banaya jaye keh kisi dabao aur lalach se majbur ho kar aurat mehar muaaf kar de aur dar haqiqat who mehar chorne ke liye na ho. Mehar muqar’rar na kia to kuch de kar rukhsat karna zaruri hai. Irshad bari taala hai: Agar tum auraton ko in ke pas jane aur in ka mehar muqar’rar karne se pehle talaq de do to tum par koi gunah nahi. Han is surat mein unhain kuch na kuch zarur do. Khush hal aadmi apne maqdur ke mutabiq aur ghareeb aadmi apni haisyat ke mutabiq maruf tareeqe par de. Yeh hokum is aurat ka hai jis ko shohar ne hath na laga ya ho rahi who aurat jis se shohar ne talluq zan shohar qaaim kar lia ho to is aurat ko is ke khandan ki dusri is jaisi larkiun ke barabar mehar dia jaye ga.

Read More

Spending Authority ( Haq-e-Nafqa )

Spending Authority Prosperous man and poor man can afford to spend on their own, according to known methods. Women get money from different way Capture and dispose of the property has all the powers and rights to it. Including the power to intervene is not his father or husband or someone. If she earned money by hard work or business even the husband should maintenance obligation. More detail Read in Roman Urdu.

DeeniRaah.blogspot.com

Haq-e-Nafqa:

Irshad bari taala hai: "Khushhal aadmi apni istetaut ke mutabiq aur ghareeb aadmi apni istetaut ke mutabiq maruf tareeqe se nafqah de." Aurat ko mukhtalif tareeqe se jo kuch maal puhanchta hai is mein milkiyat qabza aur tasaruf ke tamam ikhtiyarat aur haquq ise diye gaye hain jin mein mudakhlat karne ka ikhteyar na is ke baap ko hasil hai na shohar ko aur na hi aur kisi ko mudakhlat karne ka ikhtiyar ho sakta hai. Is ke elawa agar wo kisi tejarat mein apna rupiah laga kar ya khud mahnat kar ke kamaye to is ki malik bhi mukammal tor par wahi hai in sab ke bawajood is ka nafqah har haal mein is ke shohar par wajib hai. Nafqah ke faqhi ahkaam yeh hain keh agar koi mard apni biwi ko nafqah na de to is ki do hi wajahin ho sakti hain aik yeh keh wo istetaut nahi rakhta. Dusri yeh keh istetaut ke bawajood nahi deta. Istetaut na rakhne ki surat mein mukhtalif faqhi nazaryat hain lekin Imam Maalik ka istadlaal ziadah durust nazar aata hai keh  “Mahina do mahina ya munasib muddat tak mard ko muhlat di jaye agar is muddat mein bhi wo biwi ke nafqah ka bandobast na kar sake to phir tafreeq (alihdah, talaq) karadi jaye”.  Istetaut rakhne ke bawajood agar mard biwi ko nafqah na de to yeh zulm hoga aur qaazi ka farz hai keh shohar se zabardasti nafqah haasil kar ke dilwaye phir agar shohar hakim ke hokum ki tameel na karey to aisi surat mein hanafyah kehte hain keh sewaye is ke aur kuch nahi ho sakta keh aurat khud apne nafqah ka intezaam karey. Shohar ke naam par qarz lekar ya mahnat kar ke. Lekin Imaam Malik kehte hain keh aisi surat mein qaazi (judge) ko haq hasil hai keh tallaq waqai kar de. Kiun keh Quran ki ru se nafqah aurat ka haq hai aur jab koi mard istetayat ke bawajood nafqah na karey to aurat ka aise mard se zabar dasti bandhey rahna durust nahi.

Read More

Right to Inheritance Woman gets her Inheritance from her father, husband, children and other relatives. Allah says that  For men who share the wealth of parents and relative wide and women to participate in this wealth is stolen by the parents and relative. Although many or too little, and this part is determined by Allah. More detail in bellow in Roman Language.

DeeniRaah.blogspot.com

Haq Waris:

Aurat ko apne baap, shohar, aulaad aur dusre qareebi rishta darron se warasat milti hai. Irshad baari taala hai: “Mardon key liye is maal mein hissah hai jo maan baap aur rishdaron ne chora hai aur auraton key liye bhi is maal mein hissah hai jo maan baap aur rishta daron ne chora ho khwa thora ho ya buhat aur yeh hissah Allah ki taraf se muqarar hai.” Is ayat mein waza tor par panch qanuni hokum diye gaye hain: Meras sirf mardon hi ka hissah nahi hai balkeh auratain bhi is ki haq dar hain. Meras bahar haal taqseem honi chahiye khuwa vo kitni hi kam ho hatta keh agar marne wale ne aik gaz kapra chora hai aur das waris hain to ise bhi das hisson mein taqseem hona chahiye. Yeh aur baat hai keh aik waris dusre warison se in ka hissah khareed le. Is ayat se yeh baat bhi zahir hoti hai keh waris ka qanun har qisam key amwal aur amlaak par jari hoga khuwa wo manqula ho ya ghair manqula. Zari hon ya sanyati ya kisi aur sanf maal mein shumaar hote hon. Is se maalum hota hai keh miras ka haq is waqt paida hota hai jab moris koi maal chor mara ho. Is se yeh qaida bhi nikalta hai keh qareeb tareen rishta dar ki mojudgi mein bayed tar rishta dar miras nahi paye ga. Aurat ko mukhtalif zaraye se jo maal puhanchta hai is mein milkiyat aur qabza-o-tasruf key tamam ikhteyarat aur haquq ise diye gaye hain jin mein mudakhlat karne ka ikhteyar na is key baap ko hasil hai na shohar ko aur na hi aur kisi ko mudakhlat karne ka ikhteyar ho sakta hai. Quran ki ru se warasat ka jo qanun banaya gia hai is ka pehla asul yeh hai. Pehli surat yeh hai keh waris mayyat se bila wasta jayaz talluq rakhta ho maslan miyan biwi. Dusri surat yeh hai keh warsa rishta key lehaz se aik darje key hon aur miy-yat key sare maal key bahaisyat asba ( asba in warsa ko kehte hain jo mutayana haquq ki adaigi key baad baqya tamam maal key malik hon) waris hon. Maslan mayyat ki awlaad, bhayi, behan waghairah. Bazahir in donon suraton mein sanfin key darmian musawat nahi barti gayi aur mard key muqable mein aurat ki maali position kamzor kardi gayi hai lekin agar islam key pure khandani system par ghor kia jaye to haqiqat is key bar aks nazar aye gi islam ne aurat ki maali haisyat ko is ki baaz fitri kamzoryon ki bina par buhat ziada mahfuz aur mazbut kar dia hai jabkeh mard ki iqtesadi halat har aan ghair yaqini aur na mustahkam hai vo agar warasat mein aurat ka adha hissah muqarrar karta hai to do tareeqon se is ski talafi bhi karta hai, aik to yeh keh wo biwi ko shohar se muhar dilwata hai jis ki wo bila shirkat ghire haqdar hoti hai aur dusre yeh keh shadi mein jo maal-o-zewar aur tuhfe-o-tahaif diye jate hain. In ka bhi aurat hi ko malik qarar deta hai. Yahan aik aur pehlu bhi hai vo yeh keh islam pure khandan ki muashi aur talimi witar biti zummah dari aslant mar par dalta hai bilkhasoos muashi zumma dari. Jis se aurat bilkul mustashna hai. Yahi nahi balkeh wo aurat ka muashi bar bhi shadi se pehle sar parast ko aur shadi ke baad khawand ko uthane par majboor karta hai. Aisi surat mein donon ko waris mein bhi musawi haquq dena kis tarah qaren-e-aqa-o-insaaf ho sakta hai? In do pehluon se qata nazar jahan islam ne mahaz rishta ka kheyal kia hai wahan aurat aur mard ko musawi darja dia hai. Maslan maiyat ki awlad ki mojoodgi mein waldain ke hisse yaksan hon ge ya bhayi behan (maan jaye bhayi behan) ke darmian bhi islam ne koi farq nahi kia hai. Doosra asul shariyat ne yeh pesh kia hai.  “Haquq ko ashab-e-haquq tak punhchao aur jo kuch baqi rahe qaribi rishta dar mard ka hissah hoga.” Qanon-e-warasat ki yeh dafya is waqt tak samajh mein nahi aasakti jab tak keh islam ke nizam-e- muashrat ke aik dosre ki yeh dafya is waqt tak samjh nahi aasakti jab tak keh islam ke nizam-e-muashrat ke aik doosre asul ko pesh nazar na rakha jaye wo yeh keh islam ne mard par maali baar dalne ke sath rajal khandan ke darmiyan taawun-o-tnasur ke zabte bhi muqarrar kar deye hain. Yeh zabte na sirf ikhlaqi ahmiyat ke hamil hain balkeh inhain qanuni aur dasturi haisyat bhi hasil hai agar aik shakhs aflas ka shikar ho jaye to rajal khandan mein nisbatan jo us se qareeb tar ho ga us par sab se ziadah maali tayawun aur kifalat ki zummah dari hogi. Qanun-e-warasat mein chunkeh aslan ahmiyat nasab hi ko di gayi hai is liye zabta ke tehat zaruri nahi keh mard ko ziadah hi hissah mile yeh ain mumkin hai keh aik aurat moris se qareebi taalluq rakhti ho aur wo is mard se ziadah hissah paye jo moras ka dur ka rishta dar hai maslan farz kijye aik shaksh apne piche aik biwi, aik larki ya aik behan aur aik chacha chor jata hai to Islami qanun-e-warasat is ke maal-e-matrukah se biwi ko ¼ aur larki ya behan mein se jo ho usey ½ aur chacha ko ¼ dilaye ga. Warasat ki taqseem ka mukammal Qanun Quran ki mukhtalif aayat mein biyan kar dia gia hai. Irshad bari tala hai: Tumhari aulad ke bare mein Allah tumhain hidayat karta ahi keh Mardon ka hissah do auraton ke barabar. Agar maiyat ki waris do se ziadah larkian ho to inhain tarkah ka do tehayi dia jaye ga. Agar aik hi lardi waris ho to aadha tarkah is ka hai. Agar maiyat sahib aulad hoto is ke waldain mein se har aik ko takrkeh ka chata hissah milna chahiye. Agar wo sahib-e-awlad na ho aur waldain bhi is ke waris hon to maan ko teesra hissah dia jeye ga. Agar maiyat ke bhayi behan bhi ho to maan chate hissah ki haqdaar hogi. Yeh sab hisse is waqt nikale jayain ge jab keh wasiyat jo maiyat ne ki puri kardi jaye. Aur jo is par qarz ho ada kar dia jaye. Miras ke muamle mein yeh awwaleen asuli hidayat hai keh mard ka hissah aurat se do guna hai. Chunkeh shariyat ne khandani zindagi mein mard ziadah muashi zummadaryon ka bojh dala hai aur aurat ko muashi zummah daryon ke bojh se subakdosh rakha hai. Lehaza insaaf ka taqaza yahi tha keh miras mein aurat ka hissah mard ki ba nisbat kam rakha jaye.

Read More

Women's Economic Rights Men have been responsible for economic affairs. Because together or individually and as a man runs into the right position. He is Operator and supervisor of women. Allah has given him a Features and forces. The woman has no or less. So based on the family system is capable of being the man. She made such a nature that it would protect men in family life and should be under the protection and care.

DeeniRaah.blogspot.com

Auraton ke Huqooq in Urdu

Insan ke liye sab se ahum zaruri cheez jis ki badolat insan ki tamaddun mein manzilat hoti hai aur jis ke zariye vo apni manzilat ko barqarar rakh sakta hai vo is ki muashi haisyat ki mazbuti hai. Islam ne nehayat wasi haquq de kar aurat ki is hasyat ko mazbut kia hai. Irshad Bari Taala hai “Mard aurton par qawwam hain isi bina par Alllah ne in mein se aik ko doosre par fazilat di hai is bina par keh mard apna maal kharch karte hai.” Mardon ko qwwam kaha gia hai kiun keh vo infradi aur ijtemaayi tor par muamlaat ko durust halat mein chalane aur is ki hifazat aur nigrani karne aur is ki zarurayat muhaiya karne ka zummah dar hai mardon ko muashi muamlat ka zuma dar banaya gia hai vo aurat ke mutazim aur nigran hain isi lehaz se inhain fazilat di gayi. Yahan fazilat ba mane sharf, karamat aur izzat nahi hai balkeh yahan yeh lafz is mane mein hai keh in mein se aik sifat (yani mard) ko Allah ne tabyan baaz isi khasusyat aur quwatain ata ki hain jo doosri sifat yani aurat ko nahi dein ya is se kum di hain is bina par khandani nizam mein mard qwam hone ki ahliyat rakhta hai aurat fitratan aisi banayi gayi hai keh ise khandani zindagi mard ki hifazat aur khabar giri ke tehat rehna chahiye.

Read More

Faithful Wife God's Blessing

If you have a good wife then life becomes the way of flowers. Only a woman can make a house a home who is the mother, sister, daughter and wife. Your journey to become involved with what life gives. Your wife is with you in happiness and sorrow. Play with it until the last breath of life. It is said that for loyalty, good and faithful wife, loving God's blessing. Read the article below in detail Roman Urdu.

DeeniRaah.blogspot.com

Wafadar Biwi Allah ki Neamat Hai:

Makan ko ghar sirf aurat hi bana sakti hai, jo maan, behan, beti aur biwi bhi hai, jo shareek-e-safar ban kar aap ka umer bhar sath deti hai. Har dukh sukh mein aap ke shanah ba shanah hoti hai aur zindagi ki aakhri sans tak sath nibhati hai. Isi liye to kaha jata hai keh mukhlis, nek sirat aur ba wafa biwi Allah ki nemat hai. Agar biwi apne shohar ki behtareen dost, hum dard, mons-o-gham khuar hogi to is ka apne shohar ke sath rishtah bhi paaidar, gehra aur mazbut hoga. Azdawaji zindagi ki kaamyabi ke liye wafa bunyadi shart hai. Wafa aur aitmaad ka choli daman ka sath hai. Azdawaji zindagi ki emarat bhi aitmaad ki bunyad hi par istewar hoti hai. Mian, biwi donon ka farz hai keh who aik dusre ke darmian aitmaad ki faza qaim rakhain. Shareek-e-safar acha ho to shah rah-e-heyat phoolo'n ki rah guzar ban jati hai. Azdawaji zindagi ki khub surti ka raz aik dusre ki izzat-o-ahteram mein bhi poshidah hai. Gharilu zindagi mein sakun, aman-o-aashti ki fiza isi waqt qaaim hogi, jab afrad-e-khanah aik dusre se izzat se pesh ayain. Gharilu masrufyat mein ulajh kar aksar biwiyan, shoharon ko nazar andaz kar deti hai. Biwi ko chahiye keh masrufyat chahe kitni ziadah hon, awwal tajeeh apne shohar ko de aur apni behtareen kawishon aur rawaiye se shohar ko khush rakhay, kiun keh is ka sara jiwan to is ke shohar hi se munsalik hai. Is madiyat parasti ke dor mein har koi aik dusre par sabqat le jane ki koshish mein laga huwa hai. So baaz aisi bhi biwiyan hain, jo shoharon se hamah waqt shikwah kanan rahti hain keh in ka maiyar-e-zindagi in ke kisi azeez ya saheli jaisa nahi hai. Is tarah ke shikwe, shikayat sun sun kar amuman shohar kafi be zar ho jate hain. Ghar ke mahol aur bachon par bhi is ka gehra asar parta hai. baaz shohar be zar ho kar aur aaye din ki behas-o-mubahise se bachne ke liye aur baaz mahaz apni biwiyon ki khushnudi ke liye bhi rozi ke najaiz zaraya apnane par majbur ho jate hain aur phir muaashre mein burayi ka aik na khatam hone wala silsilah shoro ho jata hai. Aik achi biwi to wahi hoti hai, jo apne shohar ki aamdani hi mein ghar ko saliqah shuari se chalaye. Is ki ghair mojoodgi mein bachon ki ghar ki aur shohar ke maal-o-asbaab ki nigarn-o-mahafiz ho. Bachon ki achi taleem-o-tarbiyat par tawajjah de aur jitni chadar, utne hi payon phailayain, ke kulye par amal pera rahe, to jab hi ghar jannat ka namunah ban sakta hai. isi liye to kaha jata hai keh ghar piyara ghar mukhlis shareek safar ke beghair adhura hai.

Read More