Aurat jab Sahibe aulad aur bacho ki maa ban jaye tou uss waqt Aurat maa Ban janey ke Baad iss par mazeed zimme'dariyo'n ka bojh badh jata hai kyun ki Shohar aur waliden wagaira ke hukook ke ilawa Bacho'n ke hukooq bhi Aurat ke sar par sawar ho jate jinh ko adaa karna har Maa ka farz mansabi hai jo maa apne bacho ka haqq ada na kare gi yakinan wo Shariat ke nazdeek bohat badi Gunah'gaar aur samaj ki nazro'n mein zaleel o khwar thehre gi.
Hum Aurat ki Zindagi ke Char Doar mukammal bayan kar chukey hain taqreeban aur uss ka akhri hissa yeh post hai Umeed hai aap ko iss ke baad apni zimmedariyo'n aur faraiz baarey ilm barrhey ga.
Aulad ki Parwarish karney ka tareeqa:
har maa Baap ko yeh jaan lena chahiye ki bachpan mein jo achi buri aadate'n bacho'n mein Pukhta ho jati hain woh umr bhar nahi chu-tti isi liye maa Baap par laazim hai ke bachpan hi mein achi aadate'n sikhaye aur buri Aadato'n se bachaye baaz log yeh keh kar abhi bachha hai barra hoga tou theek ho jaye ga.
Bacho'n ko shrarat'on aur galat aadato'n se nahi rokte woh log dar haqeeqat bacho'n ke mustakbil ko kharab karte hain aur barre hone ke baad bacho'n ke bure akhlaak aur gandi aadat'on par rote aur matam karte hain iss liye nihayat zaruri hai ke bachpan hi mein bacho'n ki koi shrarat ya buri aadat dekhey toh iss par rok tok karte rahe balky sakhti ke sath daantein aur tarha tarha se buri aadato'n ki buraiyo'n ko bacho'n ke samne zahir kar ke bacho'n ko in kharab aadato'n se nafrat dilatey rahein.
aur bacho'n ki khubiya'an aur achi achi aadato'n par khoob khoob shabas keh kar in ka mann badhaye balkey kuch inaam dey kar unka hosla buland karein iss
se qabal ke Aulad ke huqooq ke bayan mein bacho'n ke liye bohat si mufeed baatein hum likh chuke hain ab iss se kuch zaaid baatein bhi hum likhte Hain.
Maa Baap par yeh laazim hai aur yeh unka farz banta hai k in sub baato'n ka khaas khayal rakhein ta ke un ke Bacho'n ka mustakbil roshan ho.
ALLAH hum sub ko hidayat de aur Sub ke Bacho'n ko un ke Walidain ke haq mein achaa karein.
Asslam o Alaikum Aurat Shadi Ke Baad Aurat ki Zimme'daariya'n bharr jaati hain. Yeh Doar Aurat ki Zindagi Ke Char Doar mein se Bohat hi ehm doar hai kiun k yehi woh waqt hota jab Aurat ko neya Ghar 1 neya jahaan basana hota hai bohat sabar se yeh Rasta teh karna hota hai. Islam ne Aurat ko uss ki tamam tar zindagi kaise guzarni hai iss ke baarey mein Quran o Hadees mein baarha Hukam diya gaya hai. NIKAH : Jab Ladki Baaligh ho jaye tou Maa, Baap par laazim Hai ke jald se jald Munasib Rishta talash kar ke uss ki Shadi kar dein. Rishtey ki talash mein khaas taur se iss Baat ka dhayan rakhna behad zaruri hai ke hargiz Hargiz kisi bad-Mazhab ke sath Rishta na hone paye bal ke Deen-daar aur Naik Insan ko Rishtedari ke liye Muntakhab kare. Bukhari wa Muslim ki Hadees mein hai ke " Rasool Allah Salallaho Taala alaihi wassalam Ne Farmaya "Ke Aurat se Shadi karne mein Char Cheezein dekhi jaati hain... 1). Doulat Mand 2). Khandani Sharafat 3). Khub surti 4). Dindari
Lekin Tum Deen-dari ko in sab Cheezo'n par Mukdam Samjho.
" Aulad ki tammana aur apni zaat ko badkari se bachane ki niyyat ke liye Nikkah karna Sunnat Hai " Aur Bohat Barrey Ajr o Sawab ka kaam hai ALLAH taala ne Quran Sharif mein farmaya ke YANI TUM LOG BE SHOHAR WALi AURATO'N KA NIKAH KAR DO AUR APNE NEIK CHALAN GHULAMO AUR LONDIYO KA BHI NIKAH KAR DO (Surah Al-Noor) Hadees Sharif mein hai ke Tourat Sharif mein likha hai ke : Jis Shakhs ki Ladki barah Baras ki Umar ko Pohanch gai aur uss ne uss Ladki ka Nikah nahi kiya aur woh Ladki badkari ke Gunah mein parr gai tou is ka Gunah Ladki Wale ke sar par bhi Hoga.. Dusri Hadees mein hai ke " Huzoor Salallaho Taala Alaihi Wasalam ne Farmaya ki " ALLAH taala ne Teen AShkhaas ki imdaad apne zimmey Karam Par li hai 1). Woh Gulam Jo Apne Aaka se Aazad Hone Ke Liya Kisi Kadr Rakam Ada Karne Ka Ahed Kare Aur Apne Ahed Ko Pura Karne Ki Niyyat Rakhta Ho. 2). khuda ki Rah Me Jihad Karne Wala. 3). Woh Nikah Karne Wala Ya Nikah Karne wali Jo Nikah Ke zariye Haram Kari Se Bachna chahte ho. Aurat jab tak uss ki Shadi nahi hoti hai woh apne Maa, Baap ki Beti kehlati hai magar Shadi ho jaane ke baad Aurat apne Shohar ki Biwi ban jaati hai aur ab Uss ke Faraiz aur Uss ki Zimme-dariya'n pehle se bohat zyada barrh jati hain woh tamam Hukook wa Faraiz jo Aurat Baaligh Hone Ke Baad Aurat par laazim ho gaye they ab inn ke ilawa Shohar ke hukook ka bhi bohat Barra bojh Aurat ke sar par aa jaata hai jis ka adaa karna har Aurat ke liye bohat hi barra fariza hai... Yaad Rakho ke Shohar ke Hukook ko agar Aurat Ada nahi karegi tou Uss ki Duniyawi zindagi Tabah o barbaad ho jayegi aur aakhirat mein woh Dozakh ki bhadakti Hui Aag mein jalti rahegi aur uss ki Qabar mein saanp Bichu uss ko Dasste Rahein gey aur dono jahaa'n mein zaleel o Khuwar aur tarah tarah ke azabo'n mein Giraftaar Rahegi... Mazeed Rehnumai ke liye aap Hamari Post Shohar Aur Biwi Ke Huqooq bhi zaroor parhein. iss liye Shariat ke Hukam ke mutabik har Aurat par Farz hai ke woh apne Shohar ke Hukook ko ada karti rahe aur Umar Bhar apne Shohar ki Farma Bardaari wa Khidmat Guzaari karti rahe. Shohar ke Hukook : ALLAH taala ne Shoharo'n ko Biwiyo'n par Haakim banaya hai aur bohat barri Buzurgi di hai iss liye har Aurat par Farz hai ke woh apne Shohar ka Hukam maaney aur Khushi Khushi apne Shohar ke har Hukam ki Taab-e-daari kare kyun ke ALLAH taala ne Shohar ka bohat barra haq banaya hai. Yaad Rakho ke Apne Shohar ko Raazi Wa Khush rakhna bohat badi ibadat hai aur Shohar ko Na-Khush aur Naraz rakhna bohat bada Gunah hai. Rasool Allah Salallho taala alaihi wassalam ne Farmaya Ke “Agar mein Khuda ke siwa kisi dusre ke liye sajda karne ka Hukam deta to mein Aurato'n ko Hukam deta ke woh apne Shoharo'n ko Sajda Kiya karein.
Iss mazmoon ko apne tamam Aziz o aqarab aur apne Social media sites k Profiles par share karna na bhoolein. jazakALLAH
Asslam o Alaikum Aurat Jab Baaligh Ho jaye tou islami taleemat ki Roshni mein kya kya iqdamaat kar k uss ka tahaffuz yaqeeni bnaya ja sakta hai aur islami taleemat iss barey kya kehti hain yeh Aurat ki Zindagi ke Char doar mein se sub se eham or Nazuk doar hota hai. Jab Aurat Baaligh Ho gai toh ALLAH wa Rasool Sallalaho taala alaihi wassalam ki taraf se Shariat ke tamam Ahkam ki pabandi ho gayi. Ab uss par Namaz, Roza aur Hajj wa Zakat ke tamam masail par amal karna Farz ho gya aur ALLAH taala ke Hukook aur Bando'n ke Hukkook ko adaa karne ki woh Zimmedar ho gai ab uss par Laazim hai ke woh Khuda ke tamam farzo'n ko ada kare aur chote bade tamam Gunaho'n se bachti rahe...
Aur yeh bhi uss ke liye zaruri hai ke apne Maa, Baap aur Bado'n ki taazim wa Khidmat baja laye aur apne chote Bhaiyo'n, Behno'n aur dusre Aziz o Akarib se Pyaar wa Mohabbat kare..
Padosiyo aur Rishte-daaro ke tamam choto, Bado'n ke sath un ke Maratib wa Darjaat le lihaz se Naik sulook aur acha bartaw kare. achi achi Aadate'n sikhe aur tamam kharab aadato'n ko chorr de aur apni zindagi ko purey toar par islami Dhache mein dhaal kar sachi pakki pabandi shariyat aur imaan wali Aurat ban jaye aur iss ke sath sath Mehnat Mashakat aur Sabr o Raza ki aadat daale mukhtasar yeh ke shadi ke baad apne upar aane wali tamam gharelu Zimme-dariyo'n ki malumaat haasil karti rahe ke Shohar wali Aurat ko kis tarha apne Shohar ke sath Nibah karna aur apna Ghar sambhalna chahiye. Woh apni Maa aur barri Aurato'n se pooch pooch kar iss ka dhang aur salika sikhe aur apne Rehan Sehan aur chaal Chalan ko iss tarha Sudhare aur saware ke na Shariat mein Gunah-Gaar thehre na Baradari wa Samaaj mein koi iss ko tana maar sake. Khane peene, pehne odhne, sone jaagne, Baat chit garz har kaam har baat mein jahan tak ho sake khud takleef uthaaye magar Ghar walo'n ko Aaram wa Rahat pohanchaye.bagair Maa, Baap ki ijazat ke na koi saaman apne istemal mein laye na kisi dusre ko de na Ghar ka ek paisa ya aik Dana Maa, Baap ki ijazat ke bagair kharch kare na bagair Maa, Baap se pooche kisi ke Ghar ya idhar udhar jaye..
Garz har kaam, har Baat mein Maa ki ijazat aur Razamandi ko apne liye zaruri samjhe, khane Peene, sine Pirone apne Badan apne kapde aur Makan wa samaan ki safai Garz sab Gharelu kaam ka Dhang Seekh le aur iss ki amli aadat daal le taa ke shadi ke baad apne sasural mein Naik-naami ke sath zindagi basar kar sake aur maike walo aur sasural walo ke dono Ghar ki chahiti aur pyaari bani rahe.
Parde ka khaas tour par khayal aur dhayan rakhe. Gair Mehram Mardo'n aur Ladko'n ke samne aane jane, taak Jaank aur Hansi Mazak se intehayi Parheiz rakhe. Aashiqana ashaar, Akhlaak ko Kharab karne wali Kitabo'n aur Rasail wa akhbarat ko hargiz na dhekhe babd Kirdaar aur Be-Haya Aurato'n se bhi Parda karey aur Hargiz kabhi in se Meil jhol na rakhe khel tamasho se door rahe aur Mazhabi Kitabe'n khususan seerat e MUSTAFA wa Seerat E Rasool Arabi, aur Tamheed e Imaan Parhti rahe.
Farz ibadato'n ke sath nafli ibadate'n bhi karti rahe Maslan Tilawat e Quraan Wa Tasbih Fatima padhti Padhati rahe aur apne un aziz o aqarib aur tamam Musalman'on ko jo Foat ho chukey Fatiha parhti rahe ke in amaal se Duniya wa aakhirat ki Be shumar Barkate'n hasil hoti hain.
Iss Paigham ko apne Dosto tamam Ladies aur apne Social media Sites ke Profiles par bhi share karna na bhoolein.
Asslam o alaikum Aurat Ka Bachpan Kaisa Guzrey islami taleemat ki Roshni mein hum aap sub ko yeh btaney jaa rahe hain. Aurat Ki Zindagi Ke Char Doar mein se Pehla Doar Aurat Ka Bachpan hota hai. Jab Woh Kuch Bolne Lage Toh Maa Baap Par Lazim He Ki Us Ko ALLAH wa RASOOL sallalaho taala alaihi wassalam Ka Naam Sunaye Fir Us Ko Kalima Wagaira Padhaye Jab woh ( Aurat, Beti ) kuch aur zyada samajdar ho jaye tou uss ko Safai Suthrayi ke dhang aur saleeke sikhaye uss ko nihayat pyaar wa mohabbat aur Narmi ke sath insani sharafato'n ki baate'n bataye aur achi achi baato'n ka shok aur buri baato'n se Nafrat dilaye jab padhne ke kaabil ho jaye tou sab se pehle uss ko Quran Sharif padhaye. jab kuch aur zyada Hoshyar ho jaye toh uss ko Paaki Wa Naapaki Wazu wa Gusl wagaira ka islami tareeka bataye aur har baat aur har kaam mein uss ko islami adaab se aagah karte rahein. Jab wo Beti 7 Baras ki ho jaye tou uss ko Namaz wagaira Zaruriyat e Deen ki baate'in btaya karein aur Parde mein rehne ki aadat sikhaye. Aur Bartan Dhone, Khane Pine, Sine Pirone, aur Chote Mote Gharelu kaamo'n ka hunar batae'n aur amli toar par uss se yeh sub kaam lete rahein aur uss ki kahi-li aur Be-Parwayi aur shararato'n par rok tok karte rahein aur kharab Aurato'n aur Bad Chalan Gharano'n le Logo se mail jhoal par pabandi laga dein aur un Logo'n ki sohbat se bachate rahein. Aashiqana Ashaar aur Geeto'n aur Aashiqi Mashuqi ke mazamin ki kitabo'n se, Gaaney Baaje aur khel tamasho'n se Door rakhe taa ke Bacho'n ke Akhlak wa Aadat aur Chaal Chalan kharab na ho jaye Jab tak Bachi baalig na ho jaye in Baato'n ka Dhayan rakhna har Maa Baap ka islami Farz hai. agar Maa Baap apne in Faraiz ko pura na karein gey tou woh sakht Gunahgaar Hoon gey.
Iss Post ko apne tamam Dosto'n aur Rishte daaro aur apni social media profiles pe share karna na bhoolein.
Asslam o alaikum Aurat ki zindagi mein yoon tou bohat se doar aatey hain magar Aurat Ki Zindagi Ke Char Doar Kaabil e zikar hain. 1. Aurat Ka Bachpan 2. Aurat Baaligh hone Ke Baad 3. Aurat Shadi ke baad 4. Aurat Maa Ban janey ke baad Ab Hum Aurat ke Hukook ka Mukhtasar tazkira saaf saaf Lafzo'n mein tehreer karte hain taa ke har Aurat in Hukook wa Faraiz ko ada kar ke apni Zindagi ko Duniya mein bhi khushal banaye aur Akhirat mein bhi jannat ki la-zawal naimat'on aur Daulato'n se sarfarz ho kar mala maal ho jaye… Aurat ki Zindagi k un Chaar Adwaar mein Aurat ke Huqooq, Uss ki Tarbiyat, Parwarish ka tareeqa aur tamam masail jan'ney k liye aap Aurat ki zindagi k Har Doar ko uper diye gaye unwaan se open kar k Study karein. Iss Post ko tamam Dosto'n Aur apne Social media Profiles pe zaroor share karein ta k Sub islami Taleemat ki Roshni mein Samajh sakein.
ALLAH hamein Islami Taleemat ko samajhne aur un par amal karne ki toufeeq ataa farmaye. ameen
Asslam o alaikum hamara aaj ka topic Aurat Islam ke Baad hai. islam Bes'shak Behtreen mazhab hai jis ne iss kainat mein mojood har insan ko chahey woh Mard ho ya Aurat islam ne Sub ko unke Huqooq diye hain. Islam hi ki badolat Aurat'on ki unke Huqooq miley hain. Hamari Post Islam ne Aurat ko Kya Diya bhi islam mein Aurat k muqaam par hai. Jab Hamare Rasool Rehmat Hazrat e Muhammed Mustafa Salallaho Taala Alaihi wassalam Khuda ki taraf se “Deen-e-Islam” le kar tashrif laye tou duniya bhar ki satayi Hui Aurato'n ki kismat ka sitara Chamak utha. or Islam ki Ba Doulat zalim Mardo'n ke zulmo sitam se kuchli or roundi hui Aurato'n ka darja iss kadr Buland o Bala ho gya ke iBadat Wa Muaamlaat balki zindagi aur maut ke har pehlu aur morr par Aurate'n Mardo'n ke Dosh ba Dosh khadi ho gai aur Mardo'n ki Barabari ke Darje par pohanch gaen mardo'n ki tarah Aurato'n ke bhi Hukook Mukarrar ho gaye aur in ke hukook ki hifazat ke liye khudawandi kanoon aasman se Naazil ho gaye aur in ke Hukook dilane ke liye islami Kanoon ki maa’tahti mein Adaalate'n laayim ho gaein.
Aurato'n ko Malikana Hukook hasil ho gaye chuneche Aurate'n apne Mehar ki Rakmo, apni Tijarato'n, apni jaydado'n ki maalik bana di gaen aur apne Maa, Baap, Bhai, Behen, Aulad aur Shohar ki Miraas ki waaris karaar di gaen.
Garz Woh Aurate'n jo Mardo'n ki Jutiyo'n se zyada Zalil o Khawar aur intihai majbur o Lachar thin woh Mardo'n ke Dilo'n ka sukoon aur in ke Gharo'n ki Malika ban Gaen chuneche Quraan E Majeed ne Saaf Saaf Lafzo'n mein Elaan Farma Diya...
Tarjuma e Kunzul Imaan :
ALLAH NE TUMHARE LIYE TUMHARI JINS SE BIWIYA PAIDA KAR DI TAAKI TUMHE IN SE TASKEEN HASIL HO AUR US NE TUMHARE DARMIYAN MUHABBAT WA SAFKAT PAIDA KAR DI. (Surah -: room,Ayat:-12)
Ab koi Mard Bila Waja na Aurato'n ko Maar-pit sakta hai na in ko Gharo'n se nikaal sakta hai aur na koi in ke Maal o Asbaab Ya jaydado'n ko Cheen sakta hai Balke har Mard Mazhabi toar par Aurato'n ke hukook ada karne par Majboor hai chuneche Khudawande Qudoos ne Quran e Majeed mein Farmaya....
Tarjuma e Kanzul imaan :
AURATO'N KE MARDO'N PAR AISE HI HUKOOK HE JESE MARDO'N KE AURATO'N PAR ACHE SULOOK KE SATH. (Surah-bakrah Ayat-227)
Aur Mard Ke Liye Farman Jari Farma Diya ke
Tarjuma e Kanzul imaan :
AUR ACHE SULOOK SE AURATO'N KE SATH ZINDAGI BASAR KARO. (Surah:- Nisaa Ayat 19) Tamam Duniya Dekh le k Deen e Islam ne Miya - Biwi ki ijtimayi zindagi ki sadarat agarche Mard ko ataa Farmayi hai aur Mardo'n ko Aurato'n par Haakim bana diya hai taa ke Nizame Khanadari mein agar koi Barri Mushkil aan pade tou Mard apni Khudadad Taakat wa salahiyat se is Mushkil ko hall kar de lekin iss ke sath sath jahan Mardo'n ke kuch Hukook Aurato'n par wajib kar diye hain. Wahan Aurato'n ke bhi kuch Hukook Mardo'n par lazim thehra diye haye Hain. Iss liye Aurat aur Mard Dono aik Dusre ke Hukook mein Jakde Huwe Hain Taa ke dono aik Dusre ke Hukook ada kar ke apni ijtimayi Zindagi ko shadmani wa Masrat ki Jannat bana de. Aur Nifak wa Sikak aur Ladai jagdo'n ke jahannam se hamesha ke liye aazad ho jayen…
Aurto'n ko Darjaat wa Maratib ki itni Buland Manzilo'n par pohancha dena yeh Huzoor NABI E RAHMAT Sallalaho Taala Alaehi Wassallam ka wo Ehsan e Azeem hai ke Tamam Duniya Ki Aurate'n agar apni zindagi ki akhri saans tak iss ehsaan ka Shukriya ada karti rahe'n phir bhi wo iss azeem us Shaan ehsaan ki shukar Guzari ke farz Se Subook Doah Nahi Ho Sakti.
Aurat Islam Se Pehle Aurato'n ka haal bohat bura tha duniya me Aurato'n ki koi izzat wa wukaat hi nahi thi. Mardo'n ki nazar me is se ziyada Aurato'n ki koi hesiyat hi nahi thi ke woh Mardo'n ki Nafsani Khawahish puri karne ka Khilona Thi.
Aurat Islam Se Pehle Din Raat Mardo'n ki kism kism ki khidmat karti thi aur tarah tarah ke kaamo se yahan tak ke Dusro'n ki mehnat Mazduri kar ke jo kuch kamati thi woh bhi Mardo'n ko de diya karti thi magar zalim mard phir bhi in Aurato'n ki koi kadr nahi karte the balke janwaro'n ki tarha in ko marte pit'te the.
zara zara si baat par Aurato'n ke kaan naak wagera aaza kaat liya karte they aur kabhi Qatal bhi kar dalte they.
Arab ke Log Ladkiyo'n ko zinda Dafan kar diya karte they aur Baap ke marne ke baad us ke Ladke jis tarha Baap ki jaidad aur saamaan ke maalik banjaya karte they aur in Aurato'n ko zabardasti Londiya'n bana kar rakh liya karte they.
Aurato'n ko inke Maa, Baap, Bhai, Behan, ya Shohar ki Miraas mein se koi hissa nahi milta tha na Auratei'n kisi cheez ki maalik huwa karti thin.
Arab ke baaz kabeelo'n mein yeh zaalimana Dastuur tha ke Bewa ho jane ke baad Aurato'n ko ghar se bahar nikaal kar ek chote se tangg taarek jopde mein ek saal tak Qaid mein rakha jata tha.
Woh jopde se bahar nahi nikal sakti thi na Gusal karti thi na Kapde badal sakti thi, Khana paani aur apni saari zarurate'n isi jopde mein puri karti thi. Bohat si Aurate'n to ghut ghut kar mar jati thin aur jo zinda bach bhi jati tou ek saal ke baad in ke Anchal Mein oont ki Megniya'an daal di jati thin aur in ko majboor kiya jata tha ke woh kisi jaanwar ke badan se apne badan ko ragdey phir sare Shehar mein isi gandey Libaas mein chakkar lagaye aur idhar udhar oont ki megniyaa'n phenkti hui chalti rahe yeh iss baat ka elaan hota tha ke in Aurato'n ki iddat khatam ho gai hai.
isi tarah dusri bhi Tarha Tarha ki kharab aur takleef deh rasme'n thi aur musibat ki maari Aurate'n ghut ghut kar ya ro ro kar apni zindagi guzarti thi…..
Hindustan mein to Bewa Aurato'n ke sath aise aise dardnaak zalimana sulook kiye jate they ke jin ko soch soch kar kaleja muhn ko aa jata hai.
Hindu Dharm mein har Aurat ke liye farz tha ke wo zindagi bhar kism kism ki khimat kar ke “ Pati Pooja ” (Shohar Ki Pooja) karti rahe aur shohar ki moat ke baad uss chita ki aag ke sholo'n par zinda leit kar satti ho jaye yani Shohar ki Laash ke sath zinda Aurat bhi jal kar raakh hojaye.
Garz puri duniya mein be-reham aur zaalim mard Aurato'n par ese ese zulmo sitam ke pahad todte they ke in zalimo'n ki dastan sun kar ek dardmand insan ke seene mein ranjo gham se Dil tukde tukde hojata hai in mazloom aur be kash Aurato'n ki majburi wa lachari ka yeh aalam tha ke samaaj Mein na Aurato'n ke koi Hukook they na in ki mazlumiyat par dado fariyad ke liye kisi kanoon ka koi sahara tha. Hazaro Baras tak yeh zulmo sitam ki maari dhukyari Aurate'n apno is be kasi aur lachari par roti bil bilati aur aansu bahati rahi magar duniya mein koi bhi in Aurato'n ke zakhmo par marham rakhne wala aur in ki mazlumiyat ke aansu ko poch ne wala door door tak nazar nahi aata tha na duniya mein koi bhi in ke dukh Dard ki fariyad sun'ney wala tha na kisi ke Dil mein in Aurato'n ke liye baal barabar bhi rehamo karam ka koi jazba tha..
Aurato'n ke iss haal-e-zaar par insaniyat ranj-o-gham se bechain aur bekarar thi magar iss ke siwa koi chara kaar nahi tha ke woh REHMAT-E-KHUDAWANDI ka intezar kare Ke ALLAH Pak gaaib se koi aisa saman paida farma de ke achanak saari duniya mein ek anokha inkilaab namudar ho jaye aur lachar aurato'n ka sara dukh-dard door ho kar in ka berra paar ho jaye aur jab Rehmat ka aaftab tulu Ho gya tou saari duniya ne Achanak yeh mehsus kiya ke…..
Jahan tareek tha, zulmat kada tha, sakht kaala tha.
Koi Parde se kya Nikla ke Ghar Ghar mein Ujala tha
Iss Post ko apne tamam Dosto'n ke saath zaroor share karein taa k unko bhi islam se pehle k zaalimana rasm-o-riwaaj ka pta chaley.
Auraton k Masail in islam: Kitnii takleef ki bat Hai na k humari bht sarii Sisterz ye Hadith bhool jati hen :/ Nhii sochtin k Allahpak to dekh rahe hen naw , k ALLAHPAK ko answer dena hy , Allahpak Hume bht chahte hen : / We dont know that .. !! Auraton k Masail in islam post Hum ne Tamam Islami Behno'n ki Rehnumai k Liye Likhi hai...... Sach mein Hijaab to Zewar Haii Muslimah ka , ye Allahpak ka Hukum haii :( ..! hadith k Alfaaz parhen : / . ! Allah se daren aur bat phnchaen .. ! sabtak :) <3 <3 Aslam o aliqum & Bismillah Ir Rehman Nir Raheem …! Sisters me bht sarii Sisters Confusion ka shikar Rehtin paaki & Napaaki k bare me to Mene socha A/c to Quran & Hadith sare Masail Discuss kardie jaen yaahan * Sisters Aurat k 3 Kism k Menses Hen [1] Normal Menses (Haiz) [2] Istihadah ( aurat k menses k doran khoon ana [3] Pregnancy k doran ..!! Aurat ko Menses 9 se Lekar 50 tak Hoskte hen aur ye menses ektarah ka Khoon hota hai jo Aurat k vagina se Release hotaa haii ye . Haiz (Menses) kitne Din tak asakte hen Is me ulemaa ka ikhtelaaf haii ye 1 Din ya kabhii 15 Din se bhii ziada hoskte hen .! Isi liye jo Khoon bhii Women k (WOMB)(VAGINA) se Ae wo Haaiz(menses) hi haiii Iske ilawa Agr wo khoon kisii Blood Vessel se Ae ya kisi zakham se . …Pregnant Ladies ko bhii Haiz Hoskte hen : Agr koii bhen ko delivery s phele khoon Ane lage kuch Month phele to ye Bhii (menses) hi khelaenge And jo Ruling menses par haii wahi apply Hogii. …Ab bat karte hen Type of Menses Ki : Ek Normal Aurat kii menses ki Mudat period 6 to 7 days hy Aur ye har month k starting me Ya phr End me hote hen . Kuch bhenoun ko Menses k bad Ya darmiyan me hii yellowish Discharge (blackish & yellowish) to ye bhii menses hi khelaenge and Aurat paak Nii tasawur hogi us time bhi. ——-> (Masla) Agr ye Yellow Discharge Menses k khatam hone k bad AE to ?? phr According to Hadith of “”Umme attiya RA kehtii hen k “” humne kabhii peele Discharge( bleeding) ko ehmyat Ni di paak hone bad menses se “” {Sunan Abu dawood 307 } aur ek Aur hadith Sahih Bukhari me “” Hazrat Aisha RA kehti hen k “”” Hume yellow discharge periods k starting aur ending me hota tha “”” { Sahih bukhari Volume 1 , page 194 } Mgr Discharge k khatam hone k Liye Ap SAWW k dor me aurtain Hazrat Aisha k pass PAD bhejtii thin k bataen hume k humare Menses khatam hue ya Nii to Aisha RA farmatin k is me jaldi na karo jabtak tum WOMB me se white discharge na dekhlo Means Cotton white hogii bilkul Ya (2)agr Bhen Womb me Cotton insert karen to puri tarah Dryness ka ehsaas Ho mtlb Complete kuch geela mehsoos na ho . Is tarah 2 tareekon se pata chalegaa. Is me bhii alag alag Case hy kuch behnoun ko white discharge Nazar aegaa aur kuch ko Dryness .. Is state k bad agr yellowish discharge ae To aurat paak Hii rahegi wo meneses Ni honge . Menses ka Colour bhi change hota Rehta haii jese jese Period Finish hota hy iska colour Light hota rehta hai aur sath sath Brownish ya yellowish discharge bhi hota hy . Masla ek aur Kuch khawateen k sath esa hota haii k 1 Din Blood aya next Day Nhii ayaa to ye kia haii ? To is cheez ko ab Menses Nhii balke “” istihadah”” kaha jaegaa Mtlb Ya to khoon ek din bad Ruk jae ya iska Doraanyaa 15 Din se bhii zaida hojae aur khoon jarii rahe menses ka. Kher Is doran Agr ye khoon 15 days se ziada Ata rahe And Ruke na To sisterz ko Namaz Nhii chornii chahie . Namazen jarii rakhen. Hazrat Aisha RA farmatii hen k “” Ap SAWW k pass hazrat fatima binte abu hubaish RA ati hen aur kehti hen Ae ALLAH k Rasool me wo aurat hun jo kabhii pak Ni hotii mjhe khoon ata Rehtaa hy to ALLAH k Rasool SAWW ne farmaya k ye Menses ka Hissa Ni hen tumhe chahei k Namazen na choro jari rakho “” [ Sahih Bukhari 228 , Muslim 333 , Musnid Ahmed 24577, Sunan Nisaai 359 ] ….! ye hadith kai kitaboun me Hy Ahadith ki …! . …Ek aur Masla k Menses k Doran Aurtain kia kia karsaktii hen ?? Menses k Doran Namaz parhna farz sunnat ya Nafil to Haram Hy And zaban se Quran pak bhi . Mgr Bismillah kehnaa , Quran pak ki tilawat Sun na , Masjid me jana , ya Tasbeehat karna Subhan ALLAH , ALhumdullilah , Allah Hu akbar wageraa In cheezoun ki ijazat haiii Dekhen Hadith ::- ….Hazrat AIsha RA farmatii hen k “” me jab menses me hotii thi to AP SAWW meri god me Lait k Quranpak parhte the “” { sahih Bukhari volume 1 , page 179 hadith 296 }…. Important:Aur ek aur masla Aurat ka Quran pak ko Dekh kar Dil me parhna jaiz Haii esa kahin Nhi mana kiya gaya kisi Hadith me Nhii mana kiya gyaa is cheez k lie Imam Bukhari, Ibn Jareer At- Tabaree and Ibn Al-Munthir, Imam Malik, and Imam Ash-Shaafi’ee Is baat k Qail hen k Aurat Dil me Dekh k Quran parh saktii hy Aur wo Hadith jis me kaha gayaa hy k Aurat quran pak Me se kuch na parhe “” Weak Hadith “” hy Use man na sahi Nhii According to majority of Ulemaa karam. Aurat k Liye menses k Doran Rozaa rakhna Bhi hram Haii Agr rAmzan me aurat FAjr se phele Sehrii k time khatam hone se phele paak hojae to us din ka roza Hoga. Aurat k Liye During meneses Masjid me bhiii jana Haram Hy . Menses k bad Gusul karne ka Tareeka : (1)”””” Ap SAWW ne Aurtoun se farmaya k “” Tum me se har ek Achii tarah paani Le (kastoori k leaves mix kia hua) Aur pure jism par Bahae Sir me Achii tarah paani dale k Baloun ki jaaroun tak phnch jae Aur uske bad Cotton ka piece Leke kastoori ki Khusbuu k sath us se Womb ko saaf kare kam se kam 3 bar aur paaki Hasil kare “”” { Sahih Muslim , Volume 1 ,page 187 } (2) Ya Agr Simple Ap Shower k Neeche bhii Gusul karlain istarah k sarii body tak pani phnch jae Aur khushbu se Womb ko saaf karke End me 3 bar Whole Body pe pani bahaLen to Bhii gusul hojaegaa , Gusul k doran Soap , shampoo sab use karskte Hen ….. !!!!! Deen bht easy Hy dont be pareshan :) ….Ab Menses Aur Istadaah k Blood Me Difference : agr koiii Sister Musalsal 10 days tak dark Blood Flow dekhen aur baki Month Red blood Or Shuru k 10 din ye khoon ( gaarha ) maloom ho Baki month Light Ho ya phele 10 Din is khoon me Menses wale Blood ki smell Ho baki Month koii smell Na ae . To ab In bhen ka First example Me jo 10 Din dark Blood Flow hua tha wahi menses hen Bakii jo khoon jaraha hY wo Istihadah haii. Hadith dekhen :- “””Ap SAWW Ne Hazrat Fatima Binte Abi jahsh se Farmaya k “””” jab menses ka Blood ata hai to wo Blackish ( gaarha ) hota hy aur phechan lia jata hy Iske ilawa agr Thin blood ae Red colour tak ka To wazu karo aur namazen jari rakho ye Menses Ni “””” { Sunan Abi Dawood , Sunan Nissae , Ibne Haban (Saheeh) } ….. Isi Liye agr kisi Sister k Menses 10 days se Ziada Barh jaen to Unhe namazen Shuru kardenii chahien kyun k woh Istihadah hy. Agr Kisi Aurat k Kapre Me MEnses Lag jaen to Wo kese saaf karen ?? “”Hazrat Asma RA farmatii hen k ek aurat Ap SAWW k pass ati hy aur kehtii hai k “” Ae ALLAH k Rasool SAWW “” Agr kisi aurat k kaproun pe Menses Lag jaen to wo kia kare ? Ap SAWW ne farmaya k Wo kapre Me jahan Nijasat ( gandagi ) Lagi hy saaf kare use Rub kare (khurche) pani dale Aur jahan Khoon laga tha Hata k paani dal le yahan tak k Khoon ghayab hojae . phr Un kaproun me namaz parhi jasktii hy “”” { SAhih Bukhari ,Volume 4 , page 227 , Hadith 94} ……! ~~~ Aksar Behan'on ko Raat me Sote hue Night Fall hojata haii wo kia karen ?? “””Umme Sulaim Bint Milhan RA Ap SAWW k pass Ati hen aur kehtii hen k “” Baishak ALLAH Such batane me Sharam Ni farmata To kyaa us Aurat ko gusul ki zarurat Hogi jo rat me Esa khuwab dekhe jiske bad use Geela pan mehsoos ho ? To Ap SAWW ne FArmaya “” Han use Gusul karna hogaa lazmi Agr esaa khuwab dekhe “”” { Jamea Tirmizi Book 1 , Hadith 122 } Humsab ko chahiye Na k apas me achii batain batate rahen :) And buri se rokte rahen Doston ye humara farz hy :/ ye zaruri hy cheez bht lazmii :/ jese mene ye batain aplogon se share karin MGR afsos hum kehdete hen k apni apnii qabar me janaHy :/ Esaa Nii hai harghiz nii Hadith dekhen :-) “””Khuda ki kasam tum log zarur ba zaru Nekiyoun ka Hukum diya karo aur burai se roka karo aur zalim ka hath pakro Warna yad rakho k ALLAH tumare Dil badaldega (iktelafat) daldega [Abu dawood ,kitab ul malahim 4336 ] agr Tum Logoun ko burai se Nhi rokoge to jan lo k tum Azaab e ilaahi k mustahiq hojaoge phr tum duaen mangoge to ALLAH tumari duaen qubool na karega [musanid Ahmed , Volume5 . 388] Achi Baat Share Karna na Bhoola karein.... ****** jazak'ALLAH ******
Nikah ka lugwi maana hai aisa contract jiske nateeje me mard aur aurat ek dusre par halaal ho jaayen “nikah karna sunnat hai iski haisiyat rakhne ke bawajood nikah na kare wah nabi(sallaho alaihi wassalam) ke tareeqe par nahi hai jo shakhs zina se bachne ke liye nikah karta hai Allah uski madad karta hai nikah na karne se zameen me fasaad paida hota hai nikah karne se
jitni miyan biwi me muhabbat hoti hai aur kisi me nahi hoti, nikah aadha
deen hai mardo ke liye aurton se badkar koi fitna nahi” (mishkaat 268) “kunwari larki se nikah karna behtar
hai maal wa khoobsoorti hasab nasab ka khyaal na kare balki deen daar
aurat se nikah kare,musalman ke liye nek aurat se badhkar aur koi cheez
nahi hai, jis nikah me kam kharch ho usme barkat zyada hoti hai, jis aurat se nikah karna chahta hai use
ek baar dekh le kyonki ek baar dekhne se muhabbat paida hogi, nikah ke
waqt Aurat se izazat lena zaroori hai agar kunwari hai to uska chup
rahna kaafi hai aur talaaq Shuda ko zabaan se kahna chahiye,bina
sarparast ke nikah sahi nahi agar koi wali na ho to haakim wali hai ek
aadmi ke paighaam ke hote dusre ko paighaam dena mana hai”
(mishkaat 262,266,269,268 )
JINSE NIKAH JAYEZ NAHI:
1- sauteli maa 2- sagi maa 3- beti 4-bahan 5- fufi 6- khala 7- bhateeji 8- bhaanji 9- dhoodh wali maa (daai) 10- saas 11- biwi ki beti jo pahle shauhar se ho 12- sage beton ki biwi se 13- do sagi bahno se ek saath nikah me biwi aur uski fufi ko
jama karna (yani ek sath inko nikah me rakhna haraam hai) aur isi tarah
biwi wa uski khaala ka jama karna bhi haram hai,musalman mard ka nikah
mushrika aurat se aur musalman aurat ka nikah mushrik mard se haraam
hai,behtar hai ki mushrika ke mukaable me musalman laundi se nikaah kare
isi tarah iman wali aurat ghulam se nikah kare magar mushrik mard se nikah na kare,
( mishkaat, bukhaari, surah nisa)
JAWAAN AULAAD KI SHAADI:
“Jawan ladke aur ladkiyon ka nikah kar
dena chahiye, hadith me hai agar ladki 12 saal ki ho gayi ho
aur uska nikah nahi huwa aur usse zina ho gaya to uska gunaah baap
par hai, iski tarah jab ladka baaligh ho jaaye to fauran nikah kar dena
chahiye warna agar zina kar baitha to uska gunah baap par hoga” (mishkaat 276) “agar ek se zyada biwiyan ho to unke beech insaaf wa baari muqarrar karna wajib hai, khilaane pilaane wa raat guzaarne me insaaf karna wajib hai magar muhabbat me kami zyadati me koi pakad nahi (mishkaat 276) agar pahli biwi ke hote huwe
kunwari aurat se nikah kare to 7 raat kunwari ke paas rahe phir baari
muqarrar kare, aur shadi shuda aurat ko kunwari par kare to 3 raat uske
paas rahkar baari muqarrar kare, agar aurton ke saath insaaf Na karega
to qayamat ke din is haalat me Allah ke saamme laaya jaayega ki uska
aadha jism gira hoga aur aurton ka mard par haq hai ki
jo khaaye waisa hi khilaaye jaisa pahle waisa hi pahnaaye iske
munh par na maare, bura na kahe, naraazgi ki surat me ghar se
bahar na soye agar zarurat pesh aaye to maamuli se maar maare, zabaan
daraaz hai to talaaq de de” (tirmizi, mishkaat 279) Allah Ta’ala in saare masail ko hamen samajhne yaad rakhne aur usse bhi zyada Amal ki toufiq ataa farmaye Aameen Baraye Karam Is Paigham Ko Dusro ko Share kijiye ALLAH Apko iska Ajar-e-Azeem Zaroor dega AAMEEN
Dosto – PichhLe CULTURE me AURAT ka Maqaam iss tarha tha 1) BEBYLONIA culture me – Ager Ek Aadmi kisi Aurat ka QateL kar deta to Usko – Saza Dene ke Bajaye – Uski BIVI ko Maut ke Ghaat Utaar Diya Jata tha 2) UNANIculture me Aurto ko Saare HAQ se Mehroom Rakha Jata tha – Aur Unhe MARDO ke Aage Bahut HAQEER Mana Jata tha 3) ROMAN culture me MARD ko Apni Aurat ka Jeevan Cheenne ka Poora HAQ tha – Unme Aurat ko HAWAS ka Saaman Samjha Jata tha – Aur Nanga pan to Unme Aam Baat thi 4) MISR ke Log to Aurto ko Shaitan ka Roop Maante the 5) Hamare Parosi Mulk india me Bhi Yeh Riwaaj tha – ki- Ager kisi Aurat ka khawind (husband) Marr Jaye – to – Uski Aurat ko Bhi Apne Pati ke Saath Jalna parta tha – Ager koi Aurat Aisa Nahi Chahti – to bhi – Use Zabardasti “SATI” kar diya Jata tha
6) ISLAM se Pahle– ARAB me Bhi Aurton ko Neech Maana Jata tha –
Jab – kisi Larki ki Paidaish Hoti – to – Usey Zinda Hi Dafan kar Diya Jata tha – aur – koi ise Galat Bhi Nahi kehta tha – Wahan per Yeh Aam Baat thi Dosto – Baad me ISLAM ne Hi Yeh Sab GALAT RASMO ko Band kiya
ISLAM ne Hi Aurato ko Ooper Uthaya
1400 Saal Pehle Hi Aurat ko Uska Maqaam aur IZZAT Diya Woh ISLAM Hi Hai – Jisne > MAA ko, Baap se Bhi Kayi Guna Bara Martaba Diya
☆ Dosto – Aap Dekh Sakte Hain – ki Aaj – itni Tarakki yafta Hone ke Baad Bhi – Hamare Yaha DAHEJ Jaisi Partha Hai – Jiske Karan – kitni Masoom Aurto aur Bachchiyo ko Maar Diya Jata Hai Jabki – ISLAM me Dahej Naam ki Koi Cheez Nahi – ISLAM ne to Ulta MARD ke Ooper HAQ MAHER Rakha Hai – Aur – Uski Bhi koi Hadd Nahi Rakhi – Aurat Jitna Chahe Apna HAQ MAHER Haisiyat ke Hisaab se Bandhwa Sakti Hai
Dosto – Aaj Bhi – Log Property me Ladke ko HAQ Dete Hain – per Larki ko Nahi – Lekin – ISLAM ne MEERAS me LARKI ka Bhi HAQ Rakha Hai ISLAM ne Aurat ki TALEEM per- koi Pabandi Nahi Lagayi – Bus- ISLAM Yeh Kahta Hai – ki Larka aur Larki ki Taaleem Alag-Alag Hona Chaiye – Taki Uski Asmat aur Paki Barkarar Rahe
ISLAM ne to Aurat ko itna tak HAQ Diya Hai – ki Woh Shaadi se Pahle Apne Hone Wale KHAWIND ko Dekh Sakti Hai – Balki – Usse Mill Bhi Sakti Hai – Aur Usse Baat Cheet Bhi Kar Sakti Hai – Lekin Apne kisi Mehram ki Mojudgi me
Dosto – ISLAM ne Hi Aurat ki Hifazat ke Liye Sakht Qanoon (Saza e Maut) Rakhkha Hai – Taki – koi Rape karke Uski Zindagi Barbad karne se pahle 100 Baar Soche
Dosto – ISLAM se Behter – koi Tareeka E Zindagi Nahi isiLiye – Aaj Tarakki Yafta EUROPE bhi – ISLAM ki Bhalayi Dekh ker – ise Tezi se Apna Raha Hai ♧♧☆ SUBHAN ALLAH ☆♧♧ Allah hamein islam par poori tarah Amal karne Ki toufiq ataa farmaye *Aameen* For More Msgs Click This Link Deeniraah.blogspot.com . Baraye Karam Is Paigham Ko Dusro ko Share kijiye ALLAH Apko iska Ajar-e-Azeem Zaroor dega AAMEEN ●●►jazakALLAH khairan◄●● ╠ ♥ PLEASE SHARE ♥ ╣
Sennay ka sahi ubhar khawateen kay husn ka aik lazmi hisa hai. ghiza aur
bacho ki nasho numa ka fitri amal b ais par qaim ha. senay ka gudaz pan
mard o zan main imtaiz ka sabab bhi hai. Jo larkiyan/ khawateen ais sa
mehroom hoti hain wo mardoo kay liya jazib e nazar, nahi rahti, ais kami
ko dur karnay kay liya, Surah AT TIN, ki pehli aayat rat ko sonay sa
pehlay 100 martaba parhen, senay par dam karen aur baat kiay begar so
jaen, 90 din tak ye amal kartay rahen sena, gudaz aur khoobsurat ho jata
hai, Amal kay sath sath 3 mah tak rozana aik chitank paneer b istamal
karen.
In English:
Breasts size Development /Increase Dua. This works for increase in
breast size especially girls/women who wants to increase their breast
size. This problem mostly occurs for unmarried virgin girls , they want
to gain/ increase their breast.
Read surah At Tin first ayaat (verse ) before sleep 100 times after
reading you can dum it on your breasts, Note do not talk in between
reading and after reading the verse and then go to sleep. Do this for 90
days, along with paneer 50grams per day. 2) Read daily 100 times (YAA MAJIDU)and after that you turnover your hand on your brest.
